कविता

कविता 

किती ठेविल्या कोनाडी

सुपा येवो आबादानी

धनधान्य उतरंडी

कणग्यांची ही कहाणी ।।धृ।।

हाता -तोंडी येई घास

पोट भरो आनंदानी

आली ढेकराची रास

घरोघरी आबादानी।।१।।

एक हात दोर पुरे

पाणी तुडुंब विहीरी

गमे भलते शिवारी

मोट चाले आनंदानी।।२।।

शिको शिक गळाभरी

झेला हाती झेलकरी

किती अवघड जरी

आंबा उतरवी हरी।।३।।

आला मिरग मिरग

सदा शेती-कामी दंग

पुजा करी तो मिरग

 बीजांकूर औत ओती।।४।।

अन्नपुर्णा माझी माता

धान पाखडा पाखडा

निट- निटके निवडा

सुपा येवो आबादानी ।।५।।

कवी:-द.रा.गोसावी.

“कमलाई”आनंद नगर

खामगाव जि बुलढाणा.

पिन को:-४४४३०३

मो.नंबर:-७०२०००७१८०