प्रतिनिधी अमित वानखडे भारतीय जनता पार्टीचे प्रदेशाध्यक्ष चंद्रशेखर बावनकुळे हे त्यांच्या राज्यव्यापी लोकसभा प्रवासाचा शुभारंभ उद्या २० ऑगस्टपासून चंद्रपूर येथून करणार आहेत. त्यांच्या एक दिवसीय प्रवासात ते चंद्रपूर लोकसभेतील सर्व 6 विधानसभांचा आढावा घेतील व कार्यकर्त्यांना मार्गदर्शन करतील. सकाळी 11.00 वा. तूकुम परीसतील दिवाकर प्रिंटिंग प्रेसपासून कार्यालयापर्यंत‘संपर्क से समर्थन’ अभियानाने दौऱ्याचा प्रारंभ करतील. दुपारी 1 वा. बुरूडकर सभागृहात वरोरा, चंद्रपूर, बल्लारपूर व राजुरा या विधानसभा क्षेत्रातील प्रमुख पदाधिकारी व कार्यकर्ते यांच्याशी संवाद साधत मार्गदर्शन करतील. दुपारी 4.30 वाजता वनी शहरातील शिवाजी चौक परिसरात पक्षप्रवेश कार्यक्रमात उपस्थित राहतील. सायंकाळी 5 वाजता टिळक चौकात घर चलो अभियानात सहभागी होतील.
वणी येथे दुपारनंतर बैठक
सायंकाळी 5.30 वा ते वणी व आर्णी विधानसभा क्षेत्रातील प्रमुख पदाधिकारी व कार्यकर्ते यांच्याशी चर्चा करतील. यासोबतच ते या प्रवासात काही महत्वाच्या व्यक्तींच्या भेटी घेणार आहेत.
प्रदेश अध्यक्षांच्या प्रवासाचे नियोजन व तयारी स्थानिक पातळीवर जिल्हाध्यक्ष, लोकसभा संयोजक, लोकसभा निवडणूक प्रमुख, विधानसभा निवडणूक प्रमुख व जिल्हा कार्यकारिणीतील सर्व प्रमुख कार्यकर्ते करणार आहेत.
Users Today : 54