आयसीसी वनडे विश्वचषक २०२३ चा २१वा सामना यजमान भारत आणि न्यूझीलंड यांच्यात २२ऑक्टोबर रोजी धरमशाला येथील हिमाचल प्रदेश क्रिकेट असोसिएशन स्टेडियमवर खेळवला जाईल. दोन्ही संघ सध्या जबरदस्त फॉर्ममध्ये आहेत. भारत आणि न्यूझीलंड हे दोन संघ असे आहेत ज्यांनी या विश्वचषकात आतापर्यंत एकही सामना गमावलेला नाही. अशा परिस्थितीत रविवारी धर्मशाला येथे अटीतटीचा सामना पाहायला मिळणार आहे. दोन्ही संघांच्या विजयाची शक्यता ५० टक्के हा सामना जो संघ जिंकेल तो गुणतालिकेत पहिल्या क्रमांकावर येईल. सध्या किवी संघ पहिल्या स्थानावर असून भारत दुसऱ्या स्थानावर आहे. दोन्ही संघांनी आतापर्यंत ४-४ सामने जिंकले आहेत. फरक फक्त नेट रन रेटमध्ये आहे. अशा स्थितीत रोहित सेनेने किवी संघाचा पराभव केल्यास ते अव्वल स्थानावर येईल. त्यामुळे या सामन्याची उत्सुकता शिगेला पोहोचणार आहे. भारत आणि न्यूझीलंड यांच्यातील या शानदार सामन्यात खेळपट्टी कशी असेल ते जाणून घेऊयाअशी धरमशाला येथील हिमाचल प्रदेश क्रिकेट असोसिएशन स्टेडियमची खेळपट्टी वेगवान गोलंदाजांसाठी स्वर्ग मानली जाते. जोरदार वारा आणि ढगाळ आकाश यामुळे चेंडू खूप स्विंग होतो. धरमशालामध्ये वेगवान गोलंदाजांचे वर्चस्व निश्चित आहे. यासोबतच खेळपट्टीवरील उसळीही चांगली आहे, त्यामुळे फलंदाजांनाही मदत मिळते.
रोहित शर्मा (कर्णधार), श्रेयस अय्यर, शुभमन गिल, विराट कोहली, सूर्यकुमार यादव, केएल राहुल (यष्टीरक्षक), इशान किशन, रवींद्र जडेजा, शार्दुल ठाकूर, रविचंद्रन अश्विन, कुलदीप यादव, जसप्रीत बुमराह, मोहम्मद सिराज आणि शमी.केन विल्यमसन (कर्णधार), टॉम लॅथम, विल यंग, मार्क चॅपमन, डॅरिल मिशेल, ग्लेन फिलिप्स, जिमी नीशम, मिचेल सँटनर, रचिन रवींद्र, डेव्हन कॉनवे, ईश सोधी, लॉकी फर्ग्युसन, मॅट हेन्री, टिम साउदी आणि ट्रेंट बोल्ट
Users Today : 4