सातारा : कवी मनाचे नेते आणि बिग बॉस फेम अभिजीत बिचुकले हे कायम कोणत्या ना कोणत्या कारणामुळे चर्चेत असतात. सध्या त्यांनी मुख्यमंत्री एकनाथ शिंदे यांना पत्र लिहिले असून, यामध्ये त्यांनी छत्तीसगडमध्ये भाजप सत्तेत आलं तर ५०० रुपयात सिलेंडर देण्याचे आश्वासन देत असल्याचं सांगितले आहे.
दरम्यान, २०१४ पासून महाराष्ट्रात भाजपची सत्ता असून मुख्यमंत्र्यांनी देखील याचा विचार करून १८ नोव्हेंबर रोजी स्वर्गीय बाळासाहेब ठाकरे यांच्या पुण्यतिथीनिमित्त आणि दिवाळीनिमित्ताने सर्व महाराष्ट्रवासीयांना ५०० रुपयात सिलेंडर उपलब्ध करावा, अशी मागणी केली आहे.
छत्तीसगडमध्ये भाजपने नुकताच जाहीरनामा प्रसिद्ध केला. छत्तीसगड विधानसभा निवडणूक जिंकण्यासाठी भाजपकडून मोठ्या घोषणा करण्यात आल्या आहेत. बेराजगार युवक आणि महिलांसाठी सवलतींची खैरात करण्यात आली आहे. यामध्ये विवाहित महिलांना दरवर्षी १२ हजार रुपये आणि अवघ्या ५०० रुपयांत गॅस सिलेंडर देण्याची महत्त्वाची घोषणा केली आहे.
Users Today : 37