ठाणे : ठाणे शहराला भातसा नदीवरील पिसे बंधाऱ्यातून दररोज २५० द.ल.लि. पाणीपुरवठा करण्यात येतो. याठिकाणी मुंबई पालिकेमार्फत पिसे येथील न्यूमॅटिक गेट सिस्टीममधील एअर ब्लॅडर बदलण्याचे काम हाती घेतले जाणार आहे. त्यामुळे २० नोव्हेंबर ते २ डिसेंबर या कालावधीत तब्बल १३ दिवस शहरातील विविध भागात झोनिंगद्वारे १० टक्के पाणीकपात लागू करण्यात आली आहे. या काळात कोपरी, पाचपाखाडी व किसननगर काही भागात पाणीकपात केली जाणार असल्याने नागरिकांना ‘पाणीबाणी’ला तोंड द्यावे लागणार आहे.* पाणी कपातीच्या कालावधीत पिसे बंधाऱ्यातील पाण्याची पातळी कमी होणार
* या कामाचा परिणाम ठाणे महानगरपालिकेस बृहन्मुंबई पालिकामार्फत होणाऱ्या पाणीपुरवठ्यावर
* या दुरुस्तीकामादरम्यान १० टक्के पाणीकपात
* कोपरी, हाजुरी, गावदेवी, पाचपाखाडी, टेकडी बंगला, किसननगर एक व दोन, भटवाडी भागात झोनिंगद्वारे दहा टक्के पाणी कपात* शहरात या आधी दर पंधरा दिवसातून झोनिंगद्वारे होणाऱ्या पाणी कपातीची वेळ वाढवली.
* पाणीकपातीत १२ तासांऐवजी २४ तासांपर्यंत वाढ
* पाण्याचा आवश्यक साठा करण्याचे आवाहनयापूर्वीची स्थिती
* याआधी १ ऑगस्टपासून शहरात तात्पुरत्या स्वरूपात झोनिंग पद्धतीने पाणीपुरवठा सुरू आहे
त्यानुसार, पंधरा दिवसातून एकदा प्रत्येकी एका विभागाचा पाणी पुरवठा १२ तासांसाठी बंद ठेवला जात होता.
* तीन महिन्यांपूर्वी सतत कोसळणाऱ्या पावसामुळे पिसे उदंचन केंद्र येथे पूरस्थिती निर्माण होऊन केंद्रात मोठ्या प्रमाणात कचरा गोळा* त्याचा पंपाद्वारे शहरात होणाऱ्या पाणीपुरवठ्यावर परिमाण
* या केंद्राच्या तांत्रिक दुरुस्तीमुळे त्यावेळी ठाण्यातील एका विभागाचा पाणी पुरवठा १५ दिवसांतून एकदा बंद
* शनिवारी लोकमान्य-सावरकर नगर प्रभाग समिती परिसरात शटडाऊनपालिकेचे आवाहन
ठाणे पालिकेच्या पाणीपुरवठा विभागाच्या नियोजनानुसार झोनिंग पद्धतीने पाणीपुरवठा सध्या सुरू आहे. त्यामुळे १५ दिवसांतून एकदा याप्रमाणे शनिवार, १८ ऑक्टोबर रोजी लोकमान्य-सावरकरनगर प्रभाग समितीअंतर्गत येणाऱ्या विविध भागात समतानगर जलकुंभावरून होणारा पाणीपुरवठा सकाळी नऊ ते रात्री नऊ या वेळेत बंद राहील, असे आवाहन ठाणे पालिकेच्या पाणीपुरवठा विभागाने केले आहे.
Users Today : 37