नाशिक : मराठा आरक्षण आंदोलनाचे अग्रणी मनोज जरांगे पाटील दोन दिवसांच्या नाशिक दौऱ्यावर येत आहेत. मंगळवारी (दि. २१) आणि बुधवारी (दि. २२) त्यांच्या सभांचे आयोजन करण्यात आल्याची माहिती सकल मराठा समाजाने गुरुवारी दिली.जरांगे यांनी सुरू केलेल्या आंदोलनाला नाशिकमधूनही पाठबळ मिळाले. छत्रपती शिवाजी स्मारकासह तालुका आणि गावपातळीवरही साखळी उपोषण करण्यात आले. या एकूणच पार्श्वभूमीवर मराठा क्रांती मोर्चाच्या समन्वयकांनी अंतरवाली सराटीत जाऊन जरांगे यांची भेट घेतली. नाशिक दौरा करावा अशी विनंती त्यांना करण्यात आली. जरांगे यांनी तिसऱ्या टप्प्यातील दौऱ्यांना सुरुवात केली असून, २१ व २२ नोव्हेंबरला ते नाशिक दौऱ्यावर येणार आहेत. पुढील काळात आंदोलनाची दिशा कशी असावी यावर या दौऱ्यात विचारमंथन होणार असल्याची माहिती समन्वयक करण गायकर, विलास पांगारकर, शिवसेनेचे उपनेते सुनील बागूल, गणेश कदम आदींनी पत्रकार परिषदेत दिली.
Maratha Reservation: मनोज जरांगेंची नाशिकमध्ये तोफ धडाडणार; नोव्हेंबरमध्ये ठिकठिकाणी सभा
समाजात जनजागृती करण्यासाठी त्र्यंबकेश्वर तालुक्यापासून हा दौरा सुरू होणार आहे. मंगळवारी रात्री आठ वाजता त्र्यंबकेश्वर शहरात रॅली काढण्यात येणार आहे. भगवान त्र्यंबकेश्वराचे दर्शन व महाअभिषेक केल्यानंतर छत्रपती शिवाजी महाराजांच्या स्मारकाजवळ जरांगे यांचे स्वागत होणार आहे. बुधवारी सकाळी अंजनेरी, महिरावणी, सातपूर, सिडको, पाथर्डीमार्गे इगतपुरी तालुक्यातील शेणित येथे जरांगे पाटील जाणार आहेत. शेणित गावात ३० एकर मैदानावर त्यांची प्रमुख सभा होणार आहे. दीडशे एकरांवर वाहनतळाची सुविधा उपलब्ध करून देण्याची तयारी सुरू आहे. त्यानंतर सिन्नर व अकोले तालुक्याच्या सीमेवरील विश्रामगडाला भेट देऊन ते ठाणगाव येथे सकाळी अकराला सभा घेणार आहेत.
0
9
4
7
8
6
Users Today : 26
Leave a comment