आजकाल ऑनलाइन अॅप्सद्वारे पर्सनल लोन घेणे खूप सोयीस्कर झाले आहे. बँकांमध्ये जाण्याची गरज न भासता काही क्लिकमध्ये कर्जाची रक्कम मिळते, परंतु या सोयीसुद्धा काही वेळा धोका निर्माण करू शकतात. ऑनलाइन पर्सनल लोन घेताना अनेक जण फसवणूक किंवा डेटा चोरी यांचा बळी पडतात.
ऑनलाइन कर्जासाठी अर्ज करताना लोकांना पॅन, आधार, बँकिंग तपशील अशा संवेदनशील माहितीची आवश्यकता असते. या माहितीचा वापर थर्ड-पार्टी विक्रेते आणि डेटा अॅनालिटिक्स कंपन्या करतात. चुकीच्या प्लॅटफॉर्मवर अर्ज केल्यास ही माहिती चोरीला जाऊ शकते आणि फसवणुकीचा धोका वाढतो.
फसवणूक टाळण्यासाठी काही उपाय:
-
केवळ RBI नियंत्रित केलेले अॅप्स आणि वेबसाइट्स वापरा.
-
HTTPS सुरक्षित वेबसाईट किंवा अॅप वापरा.
-
अॅपला फक्त आवश्यक परवानग्या द्या; कॉन्टॅक्ट्स किंवा फोटो गॅलरीला अॅक्सेस देऊ नका.
-
अॅप/वेबसाईटचे गोपनीयता धोरण व अटी काळजीपूर्वक वाचा.
या साध्या खबरदारींचा अवलंब केल्यास, ऑनलाइन पर्सनल लोन घेताना डेटा सुरक्षित राहतो आणि फसवणुकीचा धोका कमी होतो.
Users Today : 8