मेहकर : ‘छत्रपती शिवाजी महाराज महाराजस्व समाधान शिबीर अभियान’ टप्पा १ ला प्रारंभ

मेहकर प्रतिनिधी :

महसूल प्रशासन अधिक लोकाभिमुख व गतिमान करण्याच्या उद्देशाने Government of Maharashtra च्या निर्णयानुसार तालुक्यात ‘छत्रपती शिवाजी महाराज महाराजस्व समाधान शिबीर अभियान (टप्पा १)’ राबवण्यात येणार आहे.
या संदर्भात उपविभागीय अधिकारी रविंद्र जोगी यांच्या अध्यक्षतेखाली सर्व विभाग प्रमुखांची आढावा बैठक पार पडली असून, विविध मंडळांमध्ये शिबिरांचे सविस्तर वेळापत्रक जाहीर करण्यात आले आहे. सामान्य जनता, शेतकरी, विद्यार्थी व महिलांच्या दैनंदिन समस्यांचे जागेवरच निराकरण करणे हा या अभियानाचा मुख्य उद्देश आहे.
शिबिरांचे वेळापत्रक (मंडळनिहाय)
क्र.
दिनांक
मंडळ / ठिकाण
१
७ मार्च २०२६
शेंदला, देऊळगाव सार्कशा
२
१४ मार्च २०२६
घाटबोरी, कल्याणा
३
१० एप्रिल २०२६
शेलगाव देशमुख, हिवरा आश्रम
४
१७ एप्रिल २०२६
डोणगाव, कळंबेश्वर, अंजनी
५
८ मे २०२६
मेहकर
६
१५ मे २०२६
देऊळगाव माळी
शिबिरांमध्ये उपलब्ध प्रमुख सेवा
महसूल विभाग
जिवंत ७/१२ मोहीम (वारस नोंदी, लक्ष्मी मुक्ती, फेरफार)
भोगवटदार वर्ग-२ जमीन वर्ग-१ मध्ये रूपांतरण
७/१२ व ८-अ चे वाटप
विद्यार्थ्यांसाठी
मंडळ स्तरावर दाखले शिबिर
विविध शैक्षणिक दाखल्यांचे वाटप
सामाजिक व अर्थसहाय्य योजना
विविध योजनांचे अर्ज भरणे
‘लाडकी बहीण’ योजना e-KYC
आरोग्यविषयक ‘आभा’ कार्ड काढणे
भूमी अभिलेख व शेती
ई-मोजणी (प्रॉपर्टी कार्ड / नकाशा)
PM Kisan Samman Nidhi योजनेसाठी लँड सीडिंग, आधार सीडिंग, e-KYC
प्रशासन
प्रलंबित तक्रारींसाठी ‘एक खिडकी’ व्यवस्था
या मोहिमेमुळे सर्वसामान्य नागरिकांना शासकीय कार्यालयांचे उंबरठे झिजवण्यापासून मुक्ती मिळणार असून, प्रशासकीय कामकाजात पारदर्शकता व वेग येणार आहे.
तालुक्यातील सर्व लोकप्रतिनिधी, महिला बचत गट, युवक मंडळे व नागरिकांनी मोठ्या संख्येने सहभागी होऊन या उपक्रमाचा लाभ घ्यावा, असे आवाहन उपविभागीय अधिकारी रविंद्र जोगी यांनी केले आहे.