दाक्षिणात्य चित्रपटसृष्टीतील सुपरस्टार Thalapathy Vijay सध्या एका वेगळ्याच कारणामुळे चर्चेत आहे. एकीकडे तो राजकारणात प्रवेशासाठी तयारी करत असताना, दुसरीकडे त्याच्या वैयक्तिक आयुष्याबाबतच्या चर्चांनी सोशल मीडियावर मोठा गाजावाजा केला आहे.
विजयची पत्नी Sangeeta Sornalingam यांनी लग्नाच्या तब्बल २७ वर्षांनंतर घटस्फोटासाठी कोर्टात अर्ज दाखल केल्याची माहिती समोर आली आहे. या अर्जात त्यांनी विजयवर विवाहबाह्य संबंधांचा आरोप देखील केला असल्याचे सांगितले जात आहे.
अखेर विजयची पहिली प्रतिक्रिया
या चर्चांदरम्यान एका कार्यक्रमात बोलताना विजयने अखेर मौन सोडलं. कोणाचंही नाव न घेता तो म्हणाला:
“माझ्याभोवती असलेल्या अलीकडच्या समस्यांबद्दल काळजी करू नका. त्या समस्या इतक्या महत्त्वाच्या नाहीत की तुम्ही तुमचा वेळ त्यावर घालवावा. मी स्वतः त्या हाताळेन. पण माझ्या समस्यांमुळे तुम्ही दु:खी किंवा तणावग्रस्त होता, ही गोष्ट मला सर्वांत जास्त त्रास देते.”
विजयची ही प्रतिक्रिया सोशल मीडियावर मोठ्या प्रमाणात चर्चेत आली आहे.
पत्नीची कोर्टात मागणी
मिळालेल्या माहितीनुसार, संगीता यांनी कोर्टात दाखल केलेल्या याचिकेत काही महत्त्वाच्या मागण्या केल्या आहेत:
-
वैवाहिक घरात राहण्याचा निवासी हक्क
-
पर्यायी निवासाची व्यवस्था
-
योग्य आणि कायमस्वरूपी पोटगी
त्यांच्या म्हणण्यानुसार, जर त्यांनी कायदेशीर मार्गाने विभक्त होण्याचा निर्णय घेतला तर त्यांना वैवाहिक घरात राहण्याची परवानगी दिली जाणार नाही, असे विजयने सांगितल्याचा दावा त्यांनी याचिकेत केला आहे.
अभिनेत्रीबरोबर अफेअरच्या चर्चा
घटस्फोटाच्या अर्जानंतर विजय आणि अभिनेत्री Trisha Krishnan यांच्या अफेअरच्या चर्चांना उधाण आले.
अलीकडेच एका लग्नसोहळ्यात विजय आणि तृषा एकत्र दिसले होते. दोघेही एकाच गाडीतून कार्यक्रमाला आले आणि नंतरही एकत्रच निघाले, तसेच दोघांचे कपडेही जवळपास एकाच रंगसंगतीचे असल्याने चर्चांना अधिक उधाण आले.
सध्या मात्र या प्रकरणाबाबत अधिकृत माहिती समोर आलेली नसून, विजयने कोणाचेही नाव न घेता प्रतिक्रिया दिली आहे. त्यामुळे पुढील घडामोडींवर सर्वांचे लक्ष लागले आहे.
Users Today : 23