नागपूर
नातेवाइकांच्या कार्यक्रमासाठी घराबाहेर गेलेल्या कुटुंबाच्या घराचे कुलूप तोडून अज्ञात चोरट्याने रोख रक्कम व सोन्याचे दागिने असा एकूण *१ लाख ४२ हजार रुपयांचा ऐवज लंपास* केल्याची घटना एमआयडीसी परिसरात घडली.
अकरम मोहम्मद खान (वय ४७, रा. प्लॉट क्रमांक ४९, महाजनवाडी, एमआयडीसी) हे ३ एप्रिल रोजी सकाळी कुटुंबासह घराला कुलूप लावून वर्धा जिल्ह्यातील शिरपूर येथे साक्षगंधाच्या कार्यक्रमासाठी गेले होते.
४ एप्रिल रोजी सकाळी ते घरी परतले असता मुख्य दरवाजाचे कुलूप व कडीकोंडा तुटलेला दिसला. घरात प्रवेश करून पाहणी केली असता बेडरूममधील लोखंडी कपाटाचे लॉक तोडण्यात आले असल्याचे आढळले.
चोरट्याने कपाटातील *७२ हजार रुपये रोख रक्कम व सोन्याचे दागिने* असा एकूण १ लाख ४२ हजार रुपयांचा मुद्देमाल चोरून नेल्याचे उघड झाले.
याप्रकरणी अकरम खान यांच्या तक्रारीवरून एमआयडीसी पोलीस ठाण्यात अज्ञात आरोपीविरुद्ध गुन्हा दाखल करण्यात आला असून पुढील तपास सुरू आहे.
Users Today : 6