इराण-अमेरिका संघर्षाच्या पार्श्वभूमीवर मध्यस्थीची भूमिका घेणारा पाकिस्तान आता स्वतःच अडचणीत सापडल्याचे चित्र दिसत आहे. अमेरिकेचे माजी राष्ट्राध्यक्ष डोनाल्ड ट्रम्प यांच्याशी जवळीक दाखवणाऱ्या पाकिस्तानला आता अमेरिकेकडूनच मोठा दणका बसण्याची शक्यता निर्माण झाली आहे.
डोनाल्ड ट्रम्प यांचे निकटवर्तीय आणि रिपब्लिकन सिनेटर लिंडसे ग्रॅहम यांनी पाकिस्तानच्या भूमिकेवर गंभीर प्रश्न उपस्थित केले आहेत. पाकिस्तानची तटस्थता संशयास्पद असल्याचा आरोप करत त्यांनी इस्लामाबादवर थेट निशाणा साधला. विशेषतः इस्त्रायलविरोधातील पाकिस्तानची भूमिका आणि इराणशी वाढती जवळीक अमेरिकेत चर्चेचा विषय ठरत आहे.
अब्राहम करारात सहभागी होण्यासाठी ट्रम्प प्रशासनाकडून पाकिस्तानवर दबाव टाकण्यात आल्याचे बोलले जात असतानाच, पाकिस्तानचे संरक्षण मंत्री ख्वाजा आसिफ यांनी देशाच्या मूलभूत विचारसरणीविरोधात जाणारा कोणताही करार स्वीकारला जाणार नसल्याचे स्पष्ट केले. या भूमिकेमुळे वॉशिंग्टनमध्ये नाराजी वाढल्याचे सांगितले जात आहे.
https://x.com/LindseyGrahamSC/status/2059381840742699270?ref_src=twsrc%5Etfw%7Ctwcamp%5Etweetembed%7Ctwterm%5E2059381840742699270%7Ctwgr%5E5340233caa8176d4bcdb7bbc786e131a9a02d8f7%7Ctwcon%5Es1_c10&ref_url=https%3A%2F%2Fwww.tv9marathi.com%2Finternational%2Flindsey-graham-close-aide-to-donald-trump-expressed-great-suspicion-on-pakistan-1677208.html
दरम्यान, लिंडसे ग्रॅहम यांनी सोशल मीडियावर पोस्ट करत पाकिस्तानवर गंभीर आरोप केले. इराणी लष्करी विमानांना पाकिस्तानी हवाई तळांवर प्रवेश दिला जात असल्याचा दावा त्यांनी केला. तसेच पाकिस्तानमधील वरिष्ठ नेत्यांकडून इस्त्रायलविरोधी वक्तव्ये होत असल्याने मध्यस्थ म्हणून पाकिस्तानची विश्वासार्हता धोक्यात आल्याचेही त्यांनी म्हटले.
“मध्यस्थ म्हणून पाकिस्तानच एक मोठी समस्या ठरत आहे. इस्त्रायलबद्दलचा त्यांचा जुना द्वेष चिंताजनक आहे,” असे वक्तव्य ग्रॅहम यांनी केले असल्याने आता अमेरिका-पाकिस्तान संबंधांमध्ये नव्या तणावाची शक्यता व्यक्त केली जात आहे.
विशेष म्हणजे, पाकिस्तानने अमेरिकेशी जवळीक दाखवत आंतरराष्ट्रीय स्तरावर स्वतःची प्रतिमा उंचावण्याचा प्रयत्न केला होता. मात्र आता त्याच अमेरिकेकडून कठोर प्रश्न विचारले जात असल्याने इस्लामाबादची कोंडी झाल्याचे चित्र निर्माण झाले आहे.
Users Today : 57