जुन्या वादाचा राग, महिलेला अश्लील शिवीगाळ, कारचीही तोडफोड, वकीलासह वडिलांविरोधात गुन्हा दाखल

भादवि कलम 509, 504, 506, 34 तसेच महाराष्ट्र पोलिस अधिनिमन 37 (1), 37 (3) आणि 135 नुसार गुन्हा दाखल करण्यात आला आहे. याबाबत एका ३१ वर्षीय महिलेनी फिर्याद दिली आहे.पोलिसांनी दिलेल्या माहितीनुसार, फिर्यादी महिला ही शिवाजीनगर गावठाण येथे मागील सहा महिन्यांपासून भाऊ नितीन पवार व पतीसोबत राहण्यास आहे. तसेच त्यांचे केक विक्रीचे दुकान शिवाजीनगर येथील गणपती चौकात आहे. महिलेने त्यांची कार गणपती चौकात पार्क केली होती. सोमवारी सकाळी साडे आठ च्या सुमारास अमर हरिदास जाधव आणि त्याचे वडील आणि आई घरासमोर आले. त्यांनी फिर्यादीला भाऊ कुठे गेला आहे अशी विचारणा करत शिवीगाळ केली. गाडी पार्क केलेल्या ठिकाणी पाहण्यासाठी गेले असता त्यांच्या कारच्या काचा फोडलेल्या व बोनेटवर मारलेले दिसले. याबाबत अमर जाधव याला विचारणा केल्यावर त्याने अश्लील भाषेत शिवीगाळ केल्याचे फिर्यादीत म्हटले आहे. हा कारच्या काचा फोडण्याचा प्रकार सीसीटिव्हीमध्ये कैद झाला आहे.