सैफ अली खानवर चाकूने हल्ला करणाऱ्या आरोपीचे आणखी एक सीसीटीव्ही फुटेज समोर

बॉलिवूड अभिनेता सैफ अली खानवर चाकूने हल्ला करणाऱ्या आरोपीचे आणखी एक सीसीटीव्ही फुटेज समोर आले आहे. या फुटेजमध्ये आरोपी पूर्णपणे चेहरा झाकलेला दिसतो. आरोपीने सैफच्या इमारतीत एन्ट्री घेतल्यानंतर लिफ्ट न वापरता पायऱ्यांद्वारे घरात प्रवेश केला. पायऱ्यांवरून जात असतानाचा हा सीसीटीव्ही फुटेज सध्या समोर आले आहे, ज्यात आरोपीच्या पाठीवर काळ्या रंगाची सॅक दिसते आणि चेहऱ्यावर लाल रंगाचा मोठा रूमाल बांधलेला आहे.गुरूवारी रात्री 1:37 वाजता आरोपीने सैफच्या घरात प्रवेश केला, आणि 2:33 वाजता त्याच पायऱ्यांवरून इमारतीच्या बाहेर पळ काढताना तो दिसला. या सीसीटीव्ही फुटेजच्या आधी पोलिसांना आरोपीचे एक अन्य फुटेज मिळाले होते, ज्यामध्ये आरोपीचा फोटो शेअर करण्यात आला होता.गुरूवारी रात्री 2 वाजेच्या सुमारास आरोपीने सैफ अली खानवर चाकू हल्ला केला. हल्ल्यात सैफच्या शरीरावर दोन जखमा झाल्या होत्या, तसेच त्याच्या मणक्याला गंभीर दुखापत झाली. सैफला तातडीने लीलावती रुग्णालयात शस्त्रक्रिया केली गेली, आणि सध्या त्याची प्रकृती स्थिर असल्याची माहिती मिळाली आहे.पोलिसांनी हल्लेखोराचा शोध घेण्यासाठी तपास सुरू केला आहे. आरोपीला पकडण्यासाठी सीसीटीव्ही फुटेज आणि इतर पुरावे तपासले जात आहेत.