लातूर: लातूर शहरात एक धक्कादायक घटना घडली आहे. शहरातील तावरचा भागातील सिलेंडरमधील इस्लामपुरा भागात गॅसचा स्फोट होऊन अनर्थ घडला आहे. या घटनेत फुगे विक्रेत्याचा जागीच मृत्यू झाला आहे. तर, एकूण १२ बालकं गंभीर जखमी झाली आहेत. यापैकी एक मुलगी ७० टक्के भाजल्याची प्राथमिक माहिती आहे.
फुग्यामध्ये गॅस भरण्याच्या सिलेंडरचा स्फोट झाल्यानं एक जण जागीच ठार झाला असून १२ बालके जण गंभीर जखमी झाले आहेत. लातूर शहरातील तावरचा कॉलनी इस्लामपुरामध्ये गॅसचा स्फोट झाला. ही घटना साडे चार ते पाचच्या दरम्यान घडली. या घटनेत फुगे विकणारा एक जण जागीच ठार झाला तर बारा बालके गंभीर जखमी झाले आहेत. या जखमी बालकांना शासकीय रुग्णालयात उपचारासाठी दाखल करण्यात आले आहे. यापैकी दोघांची प्रकृती चिंताजनक असल्याचे डॉक्टरांकडून सांगण्यात येत आहे. मृत पावलेल्या ५० वर्षीय फुगेवल्याचे नाव रामा इंगळे असून तो बीड जिल्ह्यातील अंबाजोगाई तालुक्यामधील वाघाळा राडी येथील रहिवासी आहे.
Users Today : 18