जाहिरात फुकटच पाहिजे, पुण्यात फुकट्या नेत्यांचा डोक्याला ताप, सर्वच पदाधिकारी अग्रेसर

पिंपरी : पिंपरी-चिंचवड शहरात फुकटे नेते, राजकीय पदाधिकारी, संघटनांचे पदाधिकारी यांचा होर्डिंगमालक आणि आकाशचिन्ह व परवाना विभागातील कर्मचाऱ्यांच्या डोक्याला ताप झाला आहे. आमचा वाढदिवस आहे, आमचा कार्यक्रम आहे. त्याची होर्डिंगवर फुकट जाहिरात करून द्या, अशी मागणी हे लोक होर्डिंगमालक आणि आकाशचिन्ह आणि परवाना विभागातील कर्मचाऱ्यांकडे करीत आहेत. राजकीय दबावामुळे होर्डिंगमालकांना नकार देता येत नसल्यामुळे त्यांचे मोठे नुकसान होत आहे. विभागातील कर्मचाऱ्यांना प्रचंड दबावाखाली काम करावे लागत आहे.पिंपरी-चिंचवड शहरात आजी, माजी नगरसेवक, राजकीय पक्षांचे पदाधिकारी, संघटनांचे पदाधिकारी, भावी नगरसेवक, भावी आमदार यांची संख्या खूप मोठी आहे. मोठमोठ्या गाड्या, गळ्यात सोन्याचे गोफ घालून आणि चार-सहा कार्यकर्ते घेऊन हे लोक शहरभर फिरत असतात. आपल्या वॉर्डात, मतदारसंघात विविध कार्यक्रम घेतात. स्वतःचे वाढदिवस मोठ्या प्रमाणावर साजरे करतात. त्यासाठी या लोकांना शहरभर होर्डिंग लावून जाहिरात करायची असते.

‘जाहिरात फुकटच हवी’

गेल्या काही दिवसांपासून काही राजकीय पदाधिकारी फुकट होर्डिंग लावून देण्यासाठी दवाव टाकत आहेत. होर्डिंगमालकाला सांगून आमचे फुकट होर्डिंग लावून द्या,’ अशी त्यांची मागणी आहे. होर्डिंगमालक कमीत कमी पैशांत जाहिरात लावून देण्यास तयार आहेत. मात्र, या लोकांना सर्व जाहिरात फुकट हवी आहे, असे एका कर्मचाऱ्याने नाव न सांगण्याच्या अटीवर सांगितले.गेल्या काही दिवसांपासून काही राजकीय पदाधिकारी फुकट होर्डिंग लावून देण्यासाठी दवाव टाकत आहेत. होर्डिंगमालकाला सांगून आमचे फुकट होर्डिंग लावून द्या,’ अशी त्यांची मागणी आहे. होर्डिंगमालक कमीत कमी पैशांत जाहिरात लावून देण्यास तयार आहेत. मात्र, या लोकांना सर्व जाहिरात फुकट हवी आहे, असे एका कर्मचाऱ्याने नाव न सांगण्याच्या अटीवर सांगितले.काही महिन्यांपासून आकाशचिन्ह आणि परवाना विभागाने अनधिकृत होर्डिंगवर कारवाईची मोहीम हाती घेतली होती. त्या मोहिमेअंतर्गत विभागाने शहरातील सर्व अनधिकृत होर्डिंग काढले आहेत. त्यामुळे शहरात सध्या अधिकृत होडिंगधारकच व्यावसाय करीत आहेत. या व्यावसायिकांकडून दर वर्षी महापालिका शुल्क आकारते. त्यानंतर त्यांना परवानगी दते. असे असताना विविध राजकीय पदाधिकारी आकाशचिन्ह आणि परवाना विभागातील कर्मचाऱ्यांना फोन करून, ‘वाढदिवसांचे, कार्यक्रमांचे होर्डिंग लावा, तुम्ही एखाद्या होर्डिंगमालकाला सांगा,’ असे सांगतात. काही लोक होर्डिंगमालकांनाच मोफत जाहिरातीविषयी दबाव टाकतात. यामुळे होर्डिंगमालकांचे नुकसान होत आहे. आकाशचिन्ह आणि परवाना विभागातील कर्मचाऱ्यांनाही मानसिक त्रास सहन करावा लागत आहे.

सर्वच भपदाधिकारी अग्रेसर

फुकट जाहिरात करण्यासाठी शहरातील सर्वच भागांतील राजकीय पदाधिकारी फुकट जाहिरात करून घेण्यासाठी अग्रेसर असतात. आपल्या भागातील मोठ्या नेत्याचे नाव वापरून महापालिकेतील कर्मचाऱ्यांवर हे द्वाव टाकतात. पाच-सहा दिवस होर्डिंग लावून द्या, अशी मागणी करत असतात.