नगरपरिषद निवडणुकीपूर्व उमेदवार मुलाखती पूर्ण — नियोजन आणि संघटनावर सविस्तर चर्चा

अमरावती प्रतिनिधी ;- जिल्ह्यातील दर्यापूर, अंजनगाव सुर्जी, धारणी, अचलपूर, चिखलदरा आणि चांदुर बाजार नगरपरिषद निवडणुकांसाठी इच्छुक उमेदवारांच्या मुलाखती आज घेण्यात आल्या. आगामी निवडणुकांच्या पार्श्वभूमीवर घेतलेल्या या महत्त्वपूर्ण उपक्रमात स्थानिक कार्यकर्त्यांशी संवाद साधून निवडणुकीचे एकत्रित नियोजन, संघटनात्मक रणनीती आणि स्थानिक विकासाचा दृष्टीकोन यावर सखोल चर्चा झाली.
बैठकीदरम्यान स्थानिक पातळीवरील नागरिकांच्या अपेक्षा, मतदारसंघातील प्राथमिक गरजा, विकास आराखडे आणि पक्षाच्या कार्यकेंद्रित भूमिकेबाबत उमेदवारांना मार्गदर्शन करत महत्त्वाचे मुद्दे अधोरेखित करण्यात आले.
प्रामाणिक, कार्यक्षम आणि विकासाभिमुख नेतृत्वच जनतेचा विश्वास जिंकेल, यावर भर देत — पक्षाच्या तत्त्वांवर आधारित, जनसेवा मनोभावे करणाऱ्या उमेदवारांची निवडच आगामी निवडणुकीत विजय निश्चित करेल, असा विश्वासही यावेळी व्यक्त करण्यात आला.