नवी दिल्ली प्रतिनिधी :
केंद्र सरकारने बजेट 2026 मध्ये आरोग्य क्षेत्रासाठी महत्त्वाचा निर्णय घेत राज्य सरकारे आणि खासगी क्षेत्राच्या सहकार्याने देशात 5 प्रादेशिक मेडिकल हब स्थापन करण्याची घोषणा केली आहे. हा निर्णय देशातील आरोग्य सुविधांना बळकटी देणारा आणि आधुनिक वैद्यकीय सेवांना चालना देणारा मानला जात आहे.
पंतप्रधान Narendra Modi यांच्या दूरदृष्टीपूर्ण दृष्टिकोनानुसार आरोग्य क्षेत्र अधिक सक्षम करण्यासाठी हे हब उभारले जाणार आहेत. या माध्यमातून आधुनिक वैद्यकीय उपचार आणि आयुष पद्धतींचा समन्वय साधून सर्वसामान्यांना अधिक दर्जेदार आरोग्य सेवा उपलब्ध करून देण्याचे उद्दिष्ट ठेवण्यात आले आहे.
या उपक्रमाच्या अंमलबजावणीसाठी केंद्रीय आरोग्यमंत्री Jagat Prakash Nadda यांच्या मार्गदर्शनाखाली व्यापक नियोजन करण्यात येत आहे. प्रस्तावित मेडिकल हबमध्ये अत्याधुनिक उपचार सुविधा, संशोधन केंद्रे आणि आयुष पद्धतींवर आधारित उपचारांची व्यवस्था करण्यात येणार आहे.
यासोबतच सरकारने येत्या वर्षात सुमारे 1.5 लाख केअरगिव्हर्सना प्रशिक्षण देण्याचे लक्ष्य निश्चित केले आहे. या प्रशिक्षणामुळे विशेषतः प्रतिबंधात्मक आरोग्य सेवा आणि वृद्धजनांच्या (जेरियाट्रिक) आरोग्य सेवांना मोठी मदत मिळणार आहे.
सरकारच्या या निर्णयामुळे देशातील आरोग्य व्यवस्थेत सुधारणा होऊन भारत राष्ट्रीय आरोग्य सुदृढीकरणापासून जागतिक आरोग्य नेतृत्वाच्या दिशेने पुढे जाईल, असा विश्वास व्यक्त केला जात आहे.
Users Today : 21