प्रतिनिधी प्रविण चव्हाण नंदुरबार -: अक्कलकुवा तालुक्यातील मोलगी अक्कलकुवा नाक्या जवळ ट्रक ने धडक दिल्याने पादचाऱ्याचा मृत्यू झाल्याची घटना घडली .या बाबत पोलिस सूत्रांनी दिलेल्या माहितीनूसार , अक्कलकुवा तालुक्यातील जमाना येथील सायसिंग टेमऱ्या वसावे हे अक्कलकुवा येथील मोलगी नाका जवळून जात होते . यावेळी एका ट्रक चालकाने त्याच्या ताब्यातील ट्रक ( क्र.जी.जे. १६ एव्ही ६ ९ ४८ ) रस्त्याच्या परिस्थितीकडे दुर्लक्ष करुन भरधाव वेगात ट्रक चालवून पायी जाणाऱ्या सायसिंग वसावे यांना धडक दिल्याने त्यांचा मृत्यू झाला . या बाबत राजू सायसिंग वसावे यांच्या फिर्यादी वरुन अक्कलकुवा पोलिस ठाण्यात ट्रक चालकाविरोधात भादंवि कलम ३०४ ( अ ) , २७ ९ , ३३७ , ३३८ , मोटार वाहन कायदा कलम १८४ , १८७/१३४ प्रमाणे गुन्हा दाखल करण्यात आला आहे .पुढील तपास सहाय्यक पोलिस निरीक्षक राजेश गावित करीत आहेत .