हिवरा आश्रम येथील प.पू. श्री.शुकदासजी महाराज यांचे रथयात्राचे आगमन श्री संत गजानन महाराज मंदिर, डोणगाव रोड मेहकर येथे झाले. सदर यात्रेसोबत परमपूज्य श्री.गजानन महाराज शास्त्री,हिवरा आश्रम येथील संस्थांचे अध्यक्ष श्री.मालपाणी सर,तसेच संस्थाचे विश्वस्त श्री.अशोक थोरहाते,श्री. आत्मानंद थोरहाते,तसेच श्री. कुलवंत सर व श्री.गोरे सर यांच्यासह अनेक विश्वस्तांचे श्रीच्या मंदिर परिसरामध्ये आगमन झाले असता श्री.संत गजानन महाराज सेवा समितीचे अध्यक्ष तथा महाराष्ट्र प्रदेश काँग्रेस कमिटीचे सरचिटणीस श्री. श्याम उमाळकर यांनी त्यांचे पुष्पगुच्छ व उपरणे देवून स्वागत केले. तसेच यावेळेस श्री.श्याम उमाळकर यांनी आपल्या भाषणामध्ये मेहकर येथील श्री संत गजानन महाराज मंदिर हे प.पू.शुकदास महाराज यांच्याच प्रेरणेनेच उभे झाले असून आम्हाला नेहमी त्यांच्या अनुभवतीने प्रेरणा मिळत असते असे मत व्यक्त केले. तसेच परमपूज्य श्री.गजानन महाराज शास्त्री यांनी श्याम उमाळकर यांचा नेहमीच हिवरा आश्रम येथील संस्थांच्या अंतर्गत होत असलेल्या प्रत्येक कार्यामध्ये त्यांचा सहभाग असतो असे मत व्यक्त करून त्यांचे आभार मानले. यावेळेस संस्थांचे कोषाध्यक्ष श्री. घनश्याम जोशी तसेच सत्यजित अर्बन शाखा लोणार चे व्यवस्थापक श्री.उदय देशपांडे,संस्थांनचे व्यवस्थापक विठ्ठल बोरकर यांनी सुद्धा आलेल्या समस्त मान्यवरांचे स्वागत केले. सदर कार्यक्रम पार पडल्यानंतर सदर रथयात्रा वाशिमकडे रवाना झाली.
श्री.शुकदासजी महाराज यांचे रथयात्राचे आगमन श्री संत गजानन महाराज मंदिर,
