Thursday, July 25, 2024

आरक्षण संपविण्याचा कॉंग्रेसचा डाव, अंबाजोगाईच्या सभेत पंतप्रधान मोदी यांचा आरोप

बीड : ‘मुस्लिमांच्या मतांसाठी व तुष्टीकरणासाठी काँग्रेस आणखी एक धोकादायक खेळ खेळत आहे. डॉ. बाबासाहेब आंबेडकर यांनी वंचित, दलित, आदिवासींना दिलेले आरक्षण संपविण्याचा कॉँग्रेसचा प्रयत्न आहे,’ असा आरोप पंतप्रधान नरेंद्र मोदी यांनी मंगळवारी अंबाजोगाई येथे केला.

भाजप-महायुतीच्या बीड लोकसभेच्या उमेदवार पंकजा मुंडे यांच्या प्रचारार्थ मोदी यांची अंबाजोगाईतील कृषी महाविद्यालयाच्या मैदानावर सभा झाली. भाषणाच्या सुरुवातीलाच मराठीतून संवाद साधत मोदींनी परळी वैद्यनाथ, योगेश्वरी देवी, संत भगवान बाबा, संत नारायण महाराजांना नमन करीत असल्याचे सांगितले.

आरक्षण देताना बाबासाहेबांनी म्हटले होते, ‘भारतात धर्माच्या आधारे आरक्षण देता येणार नाही. मात्र काँग्रेसने दलित, आदिवासी, वंचितांचे आरक्षण हिसकावून ते धर्माच्या नावावर देण्याचा प्रयत्न सुरू केला आहे, असे सांगून मोदी म्हणाले की, कर्नाटक काँग्रेसने एका रात्रीतून ओबीसी आरक्षणात मुस्लिमांना सहभागी करून घेतले आहे. परिणामी तेथील ओबीसींचे हक्काचे आरक्षण अडचणीत आले आहे. मात्र, मोदी असेपर्यंत दलित, आदिवासी, ओबीसी आणि वंचितांचे आरक्षण कोणालाही हिसकावून घेऊ देणार नाही.’ काँग्रेसचे नेते राहुल गांधी यांचा उल्लेख शहजादे असा करून मोदींनी टीका केली.
- Advertisement -
अन्य बातम्या
Live Tv
Advertisement
  • site logo
Polls
मौसम का हाल
Latest news
Live Scores
Rashifal
Panchang