दिवाळी सणासुदीच्या पार्श्वभूमीवर
गर्दीचा उच्चांक
सोयगाव प्रतिनिधी गोकुळसिंग राजपूत
सोयगाव तालुक्यातील सावळदबारा येथे दि.१४/१०/२४ सोमवार रोजी दिवाळीच्या सणासुदीच्या पार्श्वभूमीवर पोस्ट आफिसमध्ये लाडक्या बहिणीसह ग्राहकांची प्रचंड गर्दी उसळली असून अक्षरशः पोस्ट आफिसच्या बाहेर रांगा लागल्या .
मुख्यमंत्री लाडकी बहीण योजना , पीएम किसान योजना या योजनांचे हप्ते काही बँकांमध्ये जमा झाले तर काही पोस्ट आफिसमध्ये जमा झाले असल्याने शेतकरी तसेच ग्राहक पैसे काढण्यासाठी मोठ्या संख्येने पोस्टात व बँकांमध्ये आल्याने काल सोमवारी अक्षरशः पोस्ट आफिसच्या बाहेर रांगा लागल्या आहेत वरतून कॅश कमी येत असल्याने कॅश लवकर संपत आहे.सावळदबारा हे वीस ते पंचवीस गावांचे केंद्र बिंदू असल्याने कॅश लवकर संपवून जात आहे.त्यामुळे लाडक्या ताईंना माघारी फिरावे लागत असल्याचे दिसून येत आहे.खाते केवायसी करणे , पैसे काढणे यासाठी लाडक्या बहिणींना तासन् तास उन्हातान्हात ताटकळत उभे राहावे लागत आहे . तसेच नियमित ग्राहकांना मनस्ताप सहन करावा लागत आहे . सामाजिक कार्यकर्त्यांसह लोकप्रतिनिधींनी पोस्ट आफिसच्या व बँक समोर मंडप तसेच पिण्याचे पाण्याची सोय तसेच सहायता कक्ष स्थापन करण्याची गरज नागरिकांमधून व्यक्त होत आहे .