भूमिगत गटारसाठी ३८५ कोटींचा निधी खामगाव शहराच्या स्वच्छतेसाठी महत्त्वपूर्ण पाऊल; जलनिस्सारण व्यवस्थेत सुधारणा अपेक्षित!

खामगाव:-तालुका प्रतिनिधी

शहरातील जलनिस्सारण व्यवस्थेच्या सुधारणेसाठी ३८५ कोटी रुपयांच्या निधीतून भूमिगत गटार योजनेचे काम हाती घेण्यात आले आहे. या योजनेंतर्गत शहरातील प्रमुख नाल्यांची स्वच्छता करून त्यांचे रूपांतर आधुनिक मलनिस्सारण यंत्रणेत केले जाणार आहे. यामुळे सांडपाणी प्रभावीपणे व्यवस्थापित होऊन शहराचे पर्यावरण स्वच्छ आणि आरोग्यदायी राहण्यास मदत होईलयोजनेची वैशिष्ट्ये पूर्णतः भूमिगत ड्रेनेज सिस्टम – उघड्या नाल्यांमुळे निर्माण होणाऱ्या दुर्गंधी, घाण, डासांची उत्पत्ती आणि आरोग्यविषयक समस्यांवर नियंत्रण.पावसाळ्यातील तुंबलेले पाणी वाहून नेण्याची क्षमता वाढविणार -पावसाळ्यात मोठ्या प्रमाणात साचणारे पाणी आणि त्यामुळे होणाऱ्या समस्यांवर तोडगा. प्रगत जलशुद्धीकरण तंत्रज्ञानाचा वापर सांडपाणी प्रक्रियेसाठी केला जाईलपर्यावरणपूरक आणि शाश्वत उपाययोजना या योजनेमुळे सांडपाण्याचा योग्य निचरा होऊन नद्या व जलस्त्रोत दूषित होण्याचे प्रमाण कमी होईल. तसेच, स्वच्छतेबाबत नागरिकांमध्ये जागरूकता निर्माण होईल. नगरपालिकेच्या हालचाली
शहरातील पायाभूत सुविधा सुधारण्यासाठी ही योजना महत्त्वाची ठरणार असल्याने नगरपालिकेने गटार योजनेसाठी तातडीने पावले उचलली आहेत. नगरविकास विभाग आणि सार्वजनिक बांधकाम विभागाच्या समन्वयाने प्रकल्प राबविण्यात येईलसध्याच्या परिस्थितीची पाहणी आणि पुढील टप्पे शहरात नाले उघडे असल्याने दुर्गंधी, कचरा, डासांचा त्रास आणि जलजन्य रोगांचे प्रमाण वाढते. सध्याच्या खुल्या नाल्यांची तपासणी पूर्ण झाली असून, पहिल्या टप्प्यात मुख्य नाल्यांचे काम करण्याचे नियोजन आहे. त्यानंतर उर्वरीत कामे केली जाणार आहेत.