गुणवंत विद्यार्थी शताक्षी भुजबटकरचा सत्कार

नागपूर : सेवानिवृत्त वरिष्ठ
पोलिस निरीक्षक गोपाळराव भुजबटकर यांची नात शताक्षी मनोज भुजबटकर हिने दहावीत ९२ टक्के गुण मिळवून घवघवीत यश प्राप्त केल्याबद्दल सामाजिक कार्यकर्ते तथा पत्रकार तुळशीराम ठाणेकर यांनी पुष्पगुच्छ व तथागत सिद्धार्थ गौतम बुद्ध यांची मूर्ती देऊन सत्कार केला.
शताक्षी ही अशोकवन नागपूर येथील मोन्टफोर्ट शाळेची (सीबीएस्सी) विद्यार्थिनी आहे. कुठलेही क्लास न लावता अथक परिश्रम घेऊन तिने दहावीत ९२ टक्के गुण प्राप्त केले. भविष्यात डॉक्टर होण्याचे तिचे स्वप्न आहे. या सत्कारप्रसंगी शताक्षीचे वडील मनोज गोपाळराव भुजबटकर, मोरेश्वर घाडगे, तुषार ताकतोडे उपस्थित होते