🔸 मंगलदीप नगरात श्री संत गजानन महाराज व आडकोजी महाराज पादुका दर्शन सोहळ्याला उत्स्फूर्त प्रतिसाद 🔸

🔸 मंगलदीप नगरात श्री संत गजानन महाराज व आडकोजी महाराज पादुका दर्शन सोहळ्याला उत्स्फूर्त प्रतिसाद 🔸

नागपूर (प्रतिनिधी – देवराव प्रधान)

मानेवाडा-बेसा रोडवरील मंगलदीप नगर येथे दिनांक १४ जून, शनिवार रोजी ॲड. सौ. हेमा सुनील काटेकर आणि सुनील काटेकर यांच्या नवीन घरगुती गृहप्रवेशाच्या निमित्ताने, भक्तिभावाने भरलेला पवित्र पादुका दर्शन व महाप्रसाद कार्यक्रम अत्यंत भक्तिमय वातावरणात पार पडला.

या कार्यक्रमात श्री क्षेत्र वरखेडचे परमहंस संत सद्गुरु आडकोजी महाराज आणि श्री क्षेत्र शेंगावचे संत श्री गजानन महाराज यांच्या पादुकांचे दर्शन भक्तांसाठी ठेवण्यात आले होते. या पावन दर्शनासाठी परिसरातील आणि दूरवरून आलेल्या भक्तांनी मोठ्या संख्येने सहभाग नोंदविला.

बीड जिल्ह्यातील माजलगाव येथून अखिल भारतीय कासार समाज मंडळाचे अध्यक्ष श्री. शरदभाऊ भांडेकर यांनी 900 किलोमीटरचा प्रवास करत केवळ श्रद्धेपोटी नागपूरला उपस्थिती लावली. त्यांच्या या भक्तीभावाचे उपस्थितांनी कौतुक केले.

वरुडचे माजी डेप्युटी कलेक्टर वासुदेवराव (दादा) विरखरे यांच्या हस्ते पादुकांचे आगमन झाल्यानंतर उपस्थित भक्तांनी दर्शनाचा लाभ घेतला. अथर्व सुनील काटेकर यांनी सर्व भाविकांचे मनःपूर्वक आभार मानले. कार्यक्रमात ५०० हून अधिक भक्तांनी महाप्रसादाचा लाभ घेतला.

कार्यक्रमाचे यशस्वी आयोजन हरिपाठ भक्त मंडळ, लवकुश नगराचे अध्यक्ष मा. चंद्रशेखर क्षेत्रपाल (दादा) यांच्या नेतृत्वात पार पडले. यशस्वीतेसाठी सुरेश चौधरी, राजू गुजर, बिजवे दादा, श्याम गोमासे, विनोद फेद्देवार, विजय सोनुले, निखिल भुते, मोहन वैरागडे, दीपक वाळके, रामटेके दादा, पांगुळ दादा, लांजेवार दादा, कृष्ण हरडे, कहाते दादा, तसेच महिला वर्गातून काटेकरताई, योगिताताई, स्मिताताई, प्रधानताई, पांगुळताई यांनी विशेष मेहनत घेतली.

या भक्तिपूर्ण सोहळ्यामुळे मंगलदीप नगर परिसर भक्तीमय झाला होता आणि सर्वांनी संतांच्या कृपेमुळे आनंद व समाधान अनुभवले.