अकोला महापालिकेच्या ३१ शाळांचे सोशल ऑडिट यशस्वीपणे पूर्ण

अकोला प्रतिनिधी :
सामाजिक अंकेक्षण व पारदर्शकता विभाग, मुंबई यांच्या प्रभारी प्रविण वि. इंगळे (सोशल ऑडिटर) यांच्या नेतृत्वाखाली अकोला महानगरपालिका अधिनस्थ ३१ शाळांचे सोशल ऑडिट दिनांक ५ ते ८ मार्च २०२६ या कालावधीत यशस्वीपणे पार पडले.
या मोहिमेसाठी १५ वेगवेगळ्या पथकांनी परिश्रमपूर्वक काम केले. सोशल ऑडिटमध्ये खालील बाबींचा समावेश करण्यात आला:
शालेय इमारती व भौतिक सुविधांची स्थिती
शासकीय योजना व शैक्षणिक गुणवत्ता
शाळा व्यवस्थापन समितीचे कार्य आणि सामाजिक सहभाग
‘माझी विद्यार्थी संघ’ कार्य
विद्यार्थी सुरक्षा
पोषण आहार शिजवण्याची ठिकाणे व स्वच्छता
शालेय पोषण आहाराचा दर्जा
प्रत्यक्ष किचन शेडमध्ये भेट देऊन तपासणी करण्यात आली.
महानगरपालिकेच्या आयुक्त डॉ. सुनिल लहाने, अतिरिक्त आयुक्त सुमेधा अलोने आणि उपायुक्त विकास श्री. विजय पारतवार यांच्या मार्गदर्शनाखाली हे ऑडिट पार पडले. तसेच, दिनांक ४ मार्च २०२६ रोजी शिक्षणाधिकारी हरीशचंद्र इटकर आणि सहायक कार्यक्रम अधिकारी हबीब शहीदी यांनी शाळांच्या मुख्याध्यापकांसाठी कार्यशाळा आयोजित केली, जिथे २१० प्रश्नांवर सविस्तर मार्गदर्शन करण्यात आले.
या यशस्वी उपक्रमामुळे पारदर्शकता व जबाबदारीत वाढ होईल, तसेच महाराष्ट्रातील सोशल ऑडिट मोहिमेसाठी अकोला शाळा उदाहरण ठरतील.
कार्यक्रमात सहभागी आणि सहकार्य करणारे प्रमुख सदस्य:
अन्वर हुसेन, संजय खराटे, मुख्याध्यापक अब्दुल अजीज, राजू भिरड, जहुर अहमद, राजू अवधूत, गजेंद्र ढवळे, अर्जुन हिंगमिरे, खान अनिस खान, वैशाली शेंडे, विकास उके, उमेश सोनोने, लीना रामटेके, कविता शर्मा.
या यशस्वी अंमलबजावणीमुळे अकोला जिल्ह्यातील शाळांमध्ये शैक्षणिक गुणवत्ता आणि प्रशासनिक पारदर्शकता अधिक मजबूत होईल.