बुलढाणा प्रतिनिधी :
गुवाहाटी येथे पंतप्रधानांच्या हस्ते 22 वा हप्ता वितरित होणार
प्रधानमंत्री किसान सन्मान निधी (पी.एम. किसान) योजनेअंतर्गत डिसेंबर 2025 ते मार्च 2026 या कालावधीतला 22 वा हप्ता शेतकऱ्यांना शुक्रवार, 13 मार्च 2026 रोजी वितरित केला जाणार आहे. हा कार्यक्रम सायंकाळी 5 वाजता गुवाहाटी येथील ज्योती-बिष्णू आंतरराष्ट्रीय सांस्कृतिक केंद्रामध्ये पंतप्रधानांच्या हस्ते होईल.
केंद्र शासनाने शेतकऱ्यांना निश्चित उत्पन्नाचा आधार मिळावा यासाठी फेब्रुवारी 2019 पासून प्रधानमंत्री किसान सन्मान निधी योजना सुरू केली आहे. योजनेअंतर्गत पात्र शेतकरी कुटुंबांना दरवर्षी 6,000 रुपये आर्थिक सहाय्य दिले जाते. ही रक्कम 2,000 रुपये तीन समान हप्त्यांमध्ये थेट शेतकऱ्यांच्या आधार संलग्न बँक खात्यात जमा केली जाते.
शेतकऱ्यांसाठी ही योजना आर्थिक सुरक्षितता आणि उत्पन्नाचा स्थिर आधार प्रदान करते, ज्यामुळे शेतीसंबंधित गुंतवणूक आणि कुटुंबीय खर्च सहजपणे भागवता येतात. योजनेअंतर्गत लाभार्थी शेतकरी कुटुंबांना वेळोवेळी निधी मिळत असल्याने त्यांच्या जीवनमानात लक्षणीय सुधारणा झाली आहे.
पुढील हप्त्यांमध्येही शेतकऱ्यांना निधीचे वितरण सुरू राहणार असून, या योजनेमुळे देशातील शेतकरी वर्गाला सतत आधार मिळत राहणार आहे.
Users Today : 22