तालुकास्तरीय कबड्डी स्पर्धेत पहूरचे फुले विद्यालय उपविजेते

सोयगाव प्रतिनिधी गोकुळसिंग राजपूत जामनेर तालुक्यातील पहूर येथील महात्मा फुले शिक्षण संस्था संचलित सावित्रीबाई फुले माध्यमिक विद्यालयाच्या मुलींच्या संघाने तालुकास्तरीय क्रीडा स्पर्धेत उपविजेतेपद पटकावले .         केकतनिंभोरा येथील स्वर्गीय मीनाताई ठाकरे आश्रम शाळेत तालुकास्तरीय कबड्डी स्पर्धा झाल्या . १७ वर्ष वयोगटा खालील मुलींच्या कबड्डी स्पर्धेत पहूर येथील सावित्रीबाई फुले माध्यमिक विद्यालयाच्या संघाने तोंडापूर येथील संघाशी तुल्यबळ लढत दिली . या संघाचे नेतृत्व पूर्वा सोनवणे हिने केले . यात निकीता घोंगडे , आकांक्षा जाधव , कोमल तडवी , जयश्री घोंगडे , आदिती घोंगडे , वैष्णवी गोल्हारे , वृषाली काळे , कल्याणी जाधव , कांचन घोंगडे , जयश्री जाधव या खेळाडूंचा सहभाग होता .शाळेचे क्रीडा विभाग प्रमुख हरिभाऊ राऊत , चंदेश सागर यांचे मार्गदर्शन लाभले . यावेळी शिक्षक शंकर भामेरे , सुनिल पवार यांची उपस्थिती होती .        या उज्वल यशाबद्दल महात्मा फुले शिक्षण संस्थेचे अध्यक्ष बाबुराव घोंगडे , शाळेच्या मुख्याध्यापिका व्ही . व्ही . घोंगडे यांच्यासह शिक्षक शिक्षकेतर कर्मचारी यांनी अभिनंदन केले .