भाजपाचे प्रदेशाध्यक्ष चंद्रशेखर बावनकुळे नंदूरबार जिल्हा दौऱ्यानिमित्त आज महत्त्वपूर्ण बैठक.

नंदुरबार -: भारतीय जनता पार्टीचे प्रदेशाध्यक्ष चंद्रशेखर बावनकुळे हे दि . 13 सप्टेंबर 2022 रोजी नंदुरबार दौऱ्यावर येत असून त्यानिमित्त नंदुरबार जिल्हा भारतीय जनता पार्टीच्या वतीने विविध कार्यक्रमाचे आयोजन करण्यात आले असल्याची तसेच त्यांचे धुमधडाक्यात स्वागत करण्यात येणार असल्याची माहिती भारतीय जनता पार्टीचे नंदुरबार जिल्हा अध्यक्ष विजय चौधरी यांनी दिली .

    अधिक माहिती देताना विजय चौधरी यांनी सांगितले की , राज्यात भारतीय जनता पार्टीचे सरकार स्थापन झाल्यानंतर भारतीय जनता पार्टीचे पूर्व प्रदेशाध्यक्ष चंद्रकांत पाटील यांचा मंत्रिमंडळात समावेश झाला . त्यामुळे त्यांच्या जागी ओबीसींचा चेहरा असलेले चंद्रशेखर बावनकुळे हे भारतीय जनता पार्टीच्या प्रदेशाध्यक्षपदी विराजमान झाले . ” त्यानंतर नंदनगरीत त्यांचे प्रथमच आगमन होत आहे . भाजपाचे प्रदेशाध्यक्ष चंद्रशेखर बावनकुळे हे दि . 13 सप्टेंबर 2022 रोजी नंदुरबार दौऱ्यावर येत आहेत . त्यानिमित्त नंदुरबार जिल्हा भारतीय जनता पार्टीच्या वतीने विविध कार्यक्रमांचे भरगच्च आयोजन करण्यात आले असून त्यात त्याच बरोबर सामाजिक संवाद , बुथ कार्यकर्त्यांशी संवाद , युवा शाखेचे उद्घाटन तसेच कार्यकर्त्यांशी संवाद अशा विविध कार्यक्रमांचा त्यात समावेश राहील . त्याप्रसंगी भव्य बाईक रॅली काढून नंदुरबार जिल्हा भारतीय जनता पार्टीच्या वतीने त्यांचे धुमधडाक्यात स्वागत करण्यात येईल , असेही याप्रसंगी विजय चौधरी यांनी नमूद केले . या दौऱ्याविषयी तसेच त्या अनुषंगाने आयोजित कार्यक्रमांविषयी चर्चा करण्यासाठी भारतीय जनता पार्टीच्या सर्व पदाधिकाऱ्यांची महत्त्वपूर्ण बैठक आज दि . 30 ऑगस्ट 2022 रोजी दुपारी चार वाजता विजयपर्व येथे आयोजित करण्यात आली आहे . राज्याचे आदिवासी विकास मंत्री ना . डॉ . विजयकुमार गावित , खा . डॉ . हिना गावित , आ . राजेश पाडवी यांच्यासह वरिष्ठ पदाधिकारी मार्गदर्शन करतील , तरी सर्व पदाधिकाऱ्यांनी उपस्थित राहावे असे आवाहन देखील विजय चौधरी यांनी केले .