सोयगाव प्रतिनिधी गोकुळसिंग राजपूत जामनेर तालुक्यातील पहूर येथे दि.१५/२०/२२ रोजी भारतरत्न डॉ . एपीजे अब्दुल कलाम हे विद्यार्थ्यांचे स्फुर्ती स्थान असल्याचे प्रतिपादन समता शिक्षक परिषदेचे जिल्हा सचिव शंकर भामेरे यांनी केले .महात्मा फुले शिक्षण संस्था संचलित सावित्रीबाई फुले माध्यमिक विद्यालयात आयोजित वाचन प्रेरणा दिन कार्यक्रमाप्रसंगी ते बोलत होते . प्रारंभी मुख्याध्यापिका व्ही . व्ही . घोंगडे यांच्या हस्ते डॉ . ए . पी . जे . अब्दुल कलाम यांच्या प्रतिमेचे पूजन करण्यात आले .यावेळी बोलताना श्री . भामेरे यांनी डॉ .एपीजे अब्दुल कलाम यांच्या विद्यार्थी दशेतील प्रेरणादायी प्रसंग सांगून विद्यार्थ्यांना मार्गदर्शन केले . दररोज किमान एक पान विद्यार्थ्यांनी वाचले पाहिजे , असेही त्यांनी आवाहन केले .यावेळी शिक्षक , शिक्षकेत्तर कर्मचारी , विद्यार्थी मोठ्या संख्येने उपस्थित होते .
पहूर येथे डॉ . एपीजे अब्दूल कलाम म्हणजे विद्यार्थ्यांचे स्फूर्ती स्थान : शंकर भामेरे
