📰 ७९ व्या स्वातंत्र्यदिनी समाजसेवक पत्रकार दिलीप येवले यांच्या हस्ते ध्वजारोहण

Last updated: 2025/08/17 at 9:40 PM

2 Min Read

नागपूर प्रतिनिधी :—
स्वातंत्र्याचा ७९ वा महोत्सव उत्साहात साजरा करण्यात आला. नागपूर येथील श्रीमती नातीबाई दामोदर ठाकरसी महिला विद्यापीठ संलग्न उमंग गीताई कॉलेज ऑफ वुमेन्स एज्युकेशन, कोराडी रोड, पांजरा येथे शुक्रवारी (१५ ऑगस्ट २०२५) सकाळी ९ वाजता ध्वजारोहण कार्यक्रम संपन्न झाला.

या कार्यक्रमाचे प्रमुख पाहुणे समाजसेवक व पत्रकार दिलीप येवले होते. त्यांच्या हस्ते राष्ट्रध्वजारोहण करण्यात आले. यावेळी कॉलेजचे प्राचार्य डॉ. दुर्गेश वासनिक व अश्विन अंजीकर मंचावर उपस्थित होते.

कार्यक्रमात विद्यार्थिनींनी देशभक्तिपर गीत, भाषणे व विविध सांस्कृतिक कार्यक्रम सादर करून देशभक्तीची भावना जागवली. प्रमुख पाहुणे दिलीप येवले यांनी मार्गदर्शन करताना स्वातंत्र्याच्या लढ्यात वीर जवानांनी केलेल्या बलिदानाची आठवण करून दिली. ते म्हणाले – “भारताला स्वातंत्र्य मिळून ७९ वर्षे पूर्ण झाली आहेत. परंतु हे स्वातंत्र्य सहज मिळाले नाही. अनेक क्रांतिकारकांनी तुरुंगवास भोगला, बलिदाने दिली, तेव्हा आज आपण मोकळ्या श्वासाने जगत आहोत.”

प्राचार्य डॉ. वासनिक यांनी विद्यार्थिनींना संबोधित करताना स्वातंत्र्य दिनाचे महत्त्व स्पष्ट केले व “नवीन भारत” घडविण्यासाठी तरुणाईने संविधानिक मूल्यांचा अभ्यास करून समाजाला नवीन उंचीवर नेण्याचे आवाहन केले.

कार्यक्रमाचे सुयोग्य संचालन काजल मारापे, प्रेरणा सूर्यवंशी व आरती मज्जी यांनी केले तर आभार प्रदर्शन सीमा टेकाम यांनी मानले.

या प्रसंगी महाविद्यालयाच्या संचालिका वैशाली फुले, तसेच प्राध्यापकवर्गातील प्रा. प्रीती मानकर, प्रा. प्राची रंगारी, प्रा. मोनाली रामधाम, प्रा. पूनम सोनवने, प्रा. मोहिता जैतवार, प्रा. नेहा तेलमोरे, प्रा. साक्षी जैस, सा.प्रा. मृण्मयी जोगळेकर, सा.प्रा. ज्योती चंद्रवंशी, प्रा. रुनाली ढबाले, सा.प्रा. शिल्पा कावळे, सा.प्रा. प्रियंका धोके यांच्यासह निलेश मेश्राम, पवन करमेले, गौरव गावंडे, कु. पायल, सौ. प्राची टेम्बरे, सौ. कीर्ती भोरकर, मधुकर डांगे आदी मान्यवर उपस्थित होते व त्यांनी परिश्रम घेतले.