चिखली:- मेरा बु. व परिसरातील अनेक विद्यार्थी शिक्षणासाठी चिखली येथे सवलतीच्या दराने पास काढून येणे जाणे करतात. बुलडाणा भुमराळा गाडी विद्यार्थ्यांना सोयीची आहे परंतु मागील तीन चार दिवसा पासून हि गाडी बंद असून चिखली साखरखेर्डा गाडी सुध्दा बंद आहे. त्यामुळे विद्यार्थ्यांची गैर सोय होत असल्यामुळे पास असुन सुध्दा विद्यार्थ्यांना खासगी वाहनाने पन्नास रुपये खर्च करून जावे लागायचे. आज सकाळी काही पालकांनी गजानन वायाळ यांची भेट घेऊन सदर विषय सांगितला त्यामुळे आज पाच वाजता विद्यार्थ्यांना सोबत घेवून गजानन वायाळ मेरा बू ग्रामपंचायत चे सदस्य सागर पडघान यांनी चिखली आगार व्यवस्थापक वाकोडे साहेब यांची भेट घेऊन आजच गाडी उपलब्ध करून देण्यात यावे अशी मागणी केली. व विद्यार्थ्यांना गाडी उपलब्ध झाली. त्यामुळे आनंदी होवुन विद्यार्थ्यांनी जल्लोष करत गजानन वायाळ यांचे आभार मानले.