गोपीचंद पडळकर यांची आरेवाडीच्या दसरा मेळाव्यात मोठी घोषणा, दोन संघटनांची नावं जाहीर, आरक्षण लढ्याची दिशा सांगितली

बहुजन समाजात बुरखा पांघरलेला लबाड लांडगा हा फूट पाडत आहे. असे म्हणत त्यांनी अप्रत्यक्षरित्या शरद पवार यांच्यावर टीका केली. तसेच या लबाड लांडग्याचा पुतण्या पार्टीतून फुटला यात दुसऱ्यांचा काय दोष असे म्हणत शरद आणि अजित पवारांना लक्ष्य केले. या लांडग्याला माहित नाही की, जर बहुजन समाज एकत्र झाला तर याचे काय होईल असे पडळकर म्हणाले.भटक्या विमुक्त आणि वंचित घटकासाठी काम करेल. संघटनेच्या कार्यकर्त्यांनी आपली दिवाळी पालावर राहणाऱ्या भटक्या समाजबांधवांबरोबर साजरी करावी असे आवाहन आमदार गोपीचंद पडळकर यांनी केले.

सरकारने २९ दिवसांत कमिटी स्थापन करावी अन्यथा २९ दिवसानंतर जर धनगर समाज रस्त्यावर उतरला तर त्याला सर्वस्वी जबाबदार हे सरकार राहील असा इशाराही त्यांनी दिला आहे. राज्य सरकारने धनगर आरक्षणाबाबत लवकरात लवकर कमिटी स्थापन करावी, त्या कमिटीचा अहवाल तातडीने घ्यावा येत्या ३० दिवसात कमिटी स्थापन करून अहवाल नाही दिला तर राज्यातील धनगर समाज रस्त्यावर उतरेल असा स्पष्ट इशारा त्यांनी सरकारला दिला आहे.धनगर आरक्षणासाठी २१ नोव्हेंबर रोजी संपूर्ण राज्यातील तहसीलदार कार्यालयासमोर आंदोलन करणार असल्याचे पडळकरांनी जाहीर केले आहे. तसेच नागपूर येथील हिवाळी अधिवेशनात ११ डिसेंबर रोजी राज्यातील धनगर बांधवांना घेऊन अधिवेशनात धडक देणार असल्याचा इशाराही दिला आहे.