पुणे : मध्य रेल्वेच्या सोलापूर विभागातील दौंड आणि मनमाड विभाग; तसेच विसापूर आणि बेलवंडे स्थानकांदरम्यान दुहेरीकरणाचे काम सुरू करण्यात येणार आहे. त्यासाठी रेल्वे गाड्या प्रशासनाकडून २९ ऑक्टोबर ते दोन नोव्हेंबर दरम्यान ब्लॉक घेण्यात येणार आहे. त्यामुळे या मार्गांवरील गाड्या उशिराने धावतील, तर काही रेल्वे दुसऱ्या मार्गे वळविण्यात येतील आणि काही रद्द करण्यात आल्या आहेत.या ब्लॉकमुळे बेंगळुरू-नवी दिल्ली एक्स्प्रेस, यशवंतपूर- चंदीगड एक्स्प्रेस, पुणे-जबलपूर एक्स्प्रेस, जम्मू तवी-पुणे एक्स्प्रेस, निजामाबाद-पुणे एक्स्प्रेस, दौंड-निजामाबाद एक्स्प्रेस, पुणे-दरभंगा एक्स्प्रेस, जम्मू तवी-पुणे एक्स्प्रेस, हजरत निजामुद्दीन-वास्को-द-गामा एक्स्प्रेस, पुणे-जम्मू तवी एक्स्प्रेस या रेल्वेंना २० मिनिटे ते २० तासापर्यंत उशीर होण्याची शक्यता आहे. एक नोव्हेंबरला जम्मू तवी-पुणे एक्स्प्रेस आणि दोन नोव्हेंबरला हजरत निजामुद्दीन-वास्को-द-गामा एक्स्प्रेस मनमाड-इगतपुरी-कल्याण-पनवेल-कर्जत-लोणावळा-पुणे मार्गे वळवण्यात येईल; तसेच पुणे-नागपूर विशेष रेल्वे तीन नोव्हेंबरला दुपारी चारऐवजी संध्याकाळी सव्वासहा वाजता सुटेल. त्याच दिवशी पुणे-अजनी एक्स्प्रेस दुपारी सव्वातीन ऐवजी सव्वाचार वाजता सुटेल. पुणे-गोरखपूर विशेष रेल्वे दुपारी सव्वाचारऐवजी सव्वासात वाजता सुटेल.
या रेल्वे रद्द (गाड्यांचे नाव आणि रद्द झालेली तारीख)दौंड-निजामाबाद पॅसेंजर : २ व ३ नोव्हेंबरला रद्द
निजामाबाद-दौंड पॅसेंजर : १, २, ४, आणि ५ नोव्हेंबरला रद्द
निजामाबाद-पंढरपूर पॅसेंजर : ३१ ऑक्टोबर आणि १, ३, ४ नोव्हेंबरला रद्द
पंढरपूर-निजामाबाद पॅसेंजर : १, २, ४ आणि ५ नोव्हेंबर रद्द
Users Today : 17