यवतमाळ : यवतमाळमध्ये एक धक्कादायक प्रकार समोर आला आहे. इथे धारदार शास्त्राने दोन तरूणावर प्राणघातक हल्ला करून एकाची निघृण हत्या करण्यात आली आहे. यातील एका घटना शहरातील राणाप्रताप गेट परिसरात तर दुसरी घटना उमरसऱ्यातील बाल गोकुलम स्कुलजवळ २९ ऑक्टोंबरला रात्रीच्या सुमारास घडली आहे. अंकीत गणेश कुकडे (२८) रा. उमरसरा असे मृतकाचे नाव असून स्वप्नील विठाळकर (१८) रा. रामनगर, यवतमाळ आणि अजिंक्य नाचपेलवार (२४) रा. शांती नगर, वडगाव, यवतमाळ अशी जखमींची नावे आहे.मिळालेल्या माहितीनुसार, प्रज्वल रोहनकर (१९), यश सुभेदार (२१), श्रेयश राऊत (२१) आणि एका अनोळखी तरूणाविरोधात गुन्हा नोंद करण्यात आला असून २ मारेकऱ्यांना ताब्यात घेण्यात आलं आहे. शहरातील वडगाव येथील अक्षय नाचपेलवार याचे राणाप्रताप गेट परिसरात चाहाचे दुकान आहे. रविवारी रात्री ९.१५ वाजताच्या सुमारास अक्षय याचा चुलत भाऊ अजिंक्य नाचपेलवार हा मित्रासोबत चाहाच्या दुकानाजवळ गप्पा मारत होता. यावेळी प्रज्वल रोहनकर, यश सुभेदार, श्रेयश राऊत आणि एका अनोळखी तरूणाच्या टोळक्यांनी घेवून धुमाकूळ घालत शिवीगाळ केली.दरम्यान, अजिंक्य याच्यासोबत वाद करीत त्याच्यावर धारदार चाकुने वार केले. त्यानंतर २ दुचाकीवर बसून टोळके पळून गेले. यावेळी अजिंक्य याला तातडीने शासकीय रूग्णालयात उपचारार्थ दाखल करण्यात आले. या प्रकरणी त्या चौघांवर अवधुतवाडी पोलीस ठाण्यात दिलेल्या तक्रारीवरून विविध कलमान्वये गुन्हे नोंद करण्यात आला आहे. त्यानंतर या टोळक्यांनी आपला मोर्चा उमरसरा परिसरातील बाल गोकुलम स्कुलकडे वळवला. यावेळी त्या ठिकाणी उमरसरा येथील अभिमन्यू देऊळकर, अंकीत कुकडे, स्वप्नील विठाळकर, आणि श्रेयस मोकळे आदी मित्र गप्पा करीत होते. अशात रात्री १०.१५ वाजताच्या सुमारास प्रज्वल रोहनकर, यश सुभेदार, श्रेयश राऊत आणि एक अनोळखी तरूण दोन दुचाकीने त्या ठिकाणी आले.
यावेळी प्रज्वल याने अंकीतला मी आताच राणाप्रताप येथून मर्डर करून आलो आहे. आम्ही इथे आलो कोणाला सांगू नका, चला निघा इथून असे म्हणून त्याच्या जवळील चाकुने अंकीत याच्या गळ्यावर आणि पाठीवर वार केले. त्यानंतर स्वप्नील विठाळकर याच्या कानावर आणि गालावर वार केले. तसेच त्याच्यासोबत असलेल्या यश सुभेदार याने अभिमन्यू देऊळकर याला मारहाण केली तर श्रेयश राऊत याने त्याच्यासोबत असलेल्या तरूणाने श्रेयश मोकळे याला मारहाण केली. दरम्यान, तेथून पळून गेले. घटनेचे गांभीर्य लक्षात घेता परिसरातील नागरिकांच्या मदतीने मित्रांनी व कुटूंबीयांनी त्या जखमींना तातडीने रूग्णालयात दाखल केले.उपचारादरम्यान डॉक्टरांनी अंकीत याला मृत घोषीत केले. तर स्वप्नील विठाळकर याच्यावर उपचार सुरू आहे. या प्रकरणी त्या चौघांवर अवधुतवाडी पोलीस ठाण्यात खून, खूनाचा प्रयत्न केल्याप्रकरणी विविध कलमान्वये गुन्हे नोंद केले आहे. या प्रकरणी दोन मारेकऱ्यांना पोलिसांनी ताब्यात घेतले. या प्रकरणाचा पुढील तपास ठाणेदार ज्ञानोबा देवकते यांच्या मार्गदर्शनाखाली सहायक पोलिस निरीक्षक धैर्यशील घाडगे, राम भाकडे करीत आहे
Users Today : 12