छत्रपती संभाजीनगर : ऑलिपिंक दर्जाचा जलतरण तलाव तयार करण्यासाठी महापालिका प्रकल्प व्यवस्थापन सल्लागार (पीएमसी) नियुक्त करणार आहे. त्याची प्रक्रिया काही दिवसांत सुरू केली जाणार आहे. सध्या सोळा फुट खोल असलेल्या या तलावाची खोलीही कमी केली जाणार असल्याची माहिती मिळाली आहे.सिद्धार्थ उद्यानाच्या पाठीमागे पालिकेचा सिद्धार्थ जलतरण तलाव आहे. या तलावाला नेहमीच मोठा प्रतिसाद मिळत असतो. पालिकेच्या उत्पन्नाच्या स्रोतांपैकी पोहण्याचा तलावदेखील एक स्रोत आहे. त्यामुळे या तलावाचे नूतनीकरण करण्याचा निर्णय पालिकेच्या प्रशासनाने घेतला आहे. तलावासाठीचे फिल्टर आणि अन्य काही उपकरणे बदलण्यासाठी तलाव काही महिने बंद ठेवण्यात आला होता. दहा दिवसांपूर्वी तो सुरू करण्यात आला. आता या तलावाच्या नूतनीकरणासाठी पीएमसी नियुक्त करण्याचे ठरविण्यात आले आहे, त्यासाठी निविदादेखील प्रसिद्ध केली जाणार आहे.
नूतनीकरणानंतरची खोली – सात फुट
सध्या तलावाला लागणारे पाणी – ४० लाख लिटर
खोली कमी केल्यावर लागणारे पाणी – १८ लाख लिटर
Users Today : 79