वाशीम: वाशीमच्या मानोरा तालुक्यातील उमरी खुर्द इथे गणपतीच्या प्रसादातून ६० ते ७० लोकांना विषबाधा झाली आहे. तर ९ वर्षीय पूनम रमेश पवार हिचा यवतमाळ येथे उपचारादरम्यान २ ऑक्टोबरला मृत्यू झाला. तर मृतकाची बहीण करिष्मा रमेश पवार व सौ. आकांक्षा अजित पवार यांच्यावर दिग्रस येथील खाजगी रुग्णालय मध्ये उपचार सुरु आहे.
उमरी खुर्द येथील सार्वजनिक गणेश मंडळाच्या वतीने २७ सप्टेंबरला सायंकाळी प्रसाद वाटप करण्यात आले. यातील ६० ते ७० नागरिक व लहान मुलांना प्रसाद खाल्ल्यानंतर मळमळ, उलटी व हगवण लागल्याने २८ सप्टेंबर ला पोहरादेवी प्राथमिक आरोग्य केंद्रातील आरोग्य पथक गावात दाखल झाले. काही लोकांवर उपचार करण्यात आले होते. या रुग्णांपैकी पाच जणांची रुग्णाची प्रकृती चिंताजनक असल्याने दिग्रस येथे उपचार केल्या नंतर जिल्हा परिषद शाळेत तिसरीत शिक्षण घेणारी पूनम रमेश पवार हिला यवतमाळ येथील शासकीय रुग्णालय मध्ये भरती करण्यात आले. मात्र, उपचारादरम्यान तिचा मृत्यू झाला. तर सौ आकांक्षा अजित पवार वय २३ व करिष्मा रमेश पवार वय १५ वर्ष यांच्यावर वर दिग्रस येथील खाजगी रुग्णालय मध्ये उपचार सुरु आहेत. तर गोकुळ राठोड यांचा मुलगा व रमेश पवार यांच्यावर पुसद येथे उपचार सुरु आहे. चारही रुग्णांची प्रकृती धोक्याबाहेर असून त्यांच्यावर उपचार सुरु आहेत. मात्र, पूनम रमेश पवार हिच्यावसर यवतमाळ येथील वैद्यकीय अधिकारी यांनी शर्थीचे प्रयत्न करूनही उपचारादरम्यान २ आक्टोबर रात्री १ वा दरम्यान तिचा मृत्यू झाला. शासकीय रुग्णालय मध्ये शवविच्छेदना नंतर मृतदेह नातेवाईक यांना देण्यात आला.प्रसाद खाल्यामुळे मळमळ, उलटी व हगवण लागल्यामुळे पोहरादेवी प्राथमिक आरोग्य केंद्राच्या पथकाकडून ३० सप्टेंबर पासून गावातील ६० ते ७० रुग्णांवर औषधोपचार करण्यात आले. इतर रुग्णांची प्रकृती धोक्याबाहेर असल्याची माहिती वैद्यकीय अधिकारी डॉ अनिरुद्ध जाधव यांनी दिली. गावात एक वैद्यकीय अधिकारी, २ आरोग्य साहायक, आरोग्य सेविका व आरोग्य सेवक यांचे पथक गावात दाखल आहे.स्वतः रमेश पवार, त्याच्या दोन मुली पूनम पवार, करिष्मा पवार व एक मुलगा अशा चार जणांना प्रसाद खाल्याने विषबाधा झाली आहे. यापैकी जिल्हा परिषद शाळेत तिसरीत शिकणारी पूनम पवार ९ वर्ष हिचा मृत्यू झाला आहे. तर तिघांची प्रकृती धोक्याबाहेर असून करिष्मा पवारवर उपचार सुरु आहेत
Users Today : 73