चार दिवसाच्या लेकराला दूध पाजत होती, तेवढ्यात नवरा आला अन् बाळावर… धक्कादायक कारण पुढे

परभणी: पत्नीच्या चरित्रावर संशय घेऊन जन्मदात्या पित्यानेच आपल्या चार दिवसांच्या मुलावर चाकूने वार केल्याची मन हेलावून टाकणारी घटना परभणीच्या गंगाखेड तालुक्यातील गुंडेवाडी येथे घडली आहे. याप्रकरणी पत्नीने दिलेल्या तक्रारीवरून आरोपी पतविरोधात पिंपळदरी पोलीस ठाण्यामध्ये गुन्हा दाखल करण्यात आला आहे. पोलीस ठाण्याचे सहाय्यक पोलीस निरीक्षक विक्रम हराळे यांच्या मार्गदर्शनाखाली पथकाने आरोपीला ताब्यात घेतले आहे. व्‍यंकटी कंकरे असे पोलिसांनी ताब्यात घेतलेल्या आरोपीचे नाव आहे. घटनेचा अधिक तपास पोलीस करत आहेत.परभणीच्या गंगाखेड तालुक्यातील गुंडेवाडी येथील कल्पनाचा विवाह नांदेड जिल्ह्यातील लोहा तालुक्यातील पेनुर येथील व्‍यंकटी राम कंकरे यांच्या सोबत झाला होता. विवाह नंतर त्यात प्रसूतीसाठी माहेरी आल्या होत्या. प्रसूतीनंतर त्यांनी एका गोंडस अशा मुलांना जन्म दिला. सदरील मुलगा चार दिवसांचा झाल्यानंतर पती व्यंकटी कंकरे हे गंगाखेड तालुक्यातील गुंडेवाडी येथे आले.यावेळी त्यांची पत्नी कल्पना कंकर या मुलाला दूध पाजत असताना कल्पना यांना तुला झालेला मुलगा माझा नाही असे म्हणत थापड बुक्क्यांनी मारहाण करून पत्नीच्या चारित्र्यावर संशय घेऊन पती व्यंकटी कंकर यांनी चार दिवसांच्या मुलाच्या पोटावरच्या चाकूने वार केले. त्यामुळे चार दिवसांच्या मुलाच्या पोटातील आतडे बाहेर पडले.चार दिवसांच्या मुलावर वार केल्यानंतर व्‍यंकटी कंकरे त्या ठिकाणाहून पळून गेला. चार दिवसांच्या मुलावर चाकूने वार केल्यामुळे गंभीर जखमी झालेल्या मुलाला उपचारासाठी रुग्णालयात दाखल करण्यात आले. याच दरम्यान मुलाची आई कल्पना कंकरे यांनी दिलेल्या तक्रारीवरून आरोपी पतीविरोधात पिंपळदरी पोलीस ठाण्यामध्ये गुन्हा दाखल करण्यात आला.गुन्हा दाखल होताच पिंपळदरी पोलीस ठाण्याचे सहाय्यक पोलीस निरीक्षक विक्रम हराळे यांच्या मार्गदर्शनाखाली पोलीस उपनिरीक्षक सुरेश डोंगरे, पोलीस कर्मचारी शिवदास धुळगुंडे, माणिक वाघ यांच्या पथकाने आरोपीला ताब्यात घेतले आहे. घटनेचा अधिक तपास पोलीस उपनिरीक्षक सुरेश डोंगरे हे करत आहेत.