नाशिक : वाहन चालविताना मोबाइलवर बोलणाऱ्यांचे प्रमाण नाशिक शहरात वाढत आहे. स्वत:सह इतरांचाही जीव धोक्यात घालणाऱ्या या मोबाइलवेड्यांवर कठोर कारवाई करण्याची मागणी नाशिककरांनी केली आहे. नाशिक ‘आरटीओ’ने नियम मोडणाऱ्यांचे परवानेच निलंबित करावेत, अशी मागणी आता जोर धरत आहे.एसटी वाहकांवर गाडी चालविताना बोलल्यास कडक कारवाईचे परिपत्रक महामंडळाने काढले होते. वाहन चालविताना मोबाइलवर बोलल्यामुळे अपघात होण्याची प्रकार समोर आल्याने ही कडक भूमिका घेण्यात आली होती. अशीच कारवाईची मोहिम नाशिक पोलिसांनी आणि आरटीओने हाती घ्यावी, अशी मागणी केली जात आहे. शहरातील सर्व रस्त्यांवर दुचाकी आणि चारचाकी चालकांकडून सर्रास मोबाइलवर बोलण्याचे प्रमाण वाढत आहे. त्यातल्या त्या दुचाकी चालकांवर कारवाई होताना दिसते मात्र, चारचाकी वाहनांबाबत मात्र, कारवाईचे प्रमाण शुल्लक आहे.मोबाइलवर बोलणाऱ्या वाहनचालकांना दंड घेऊन सोडून दिले जात असल्याने त्यांच्याकडून वारंवार नियमांचे उल्लंघन केले जाते. यामुळे फक्त दंड न करता त्यांच्यावर गुन्हे दाखल करून त्यांना जरब देण्याची गरज नाशिककरांकडून व्यक्त होत आहे.
ब्लूटूथ हेडफोनही घातक
दुचाकी अथवा चारचाकी वाहन चालविताना सर्रास मोबाइलचा वापर केला जातो. पोलिसांकडून कारवाई होत असल्याने अनेक मंडळी ब्लूटूथ हेडफोनचा वापर करू लागली आहेत. मात्र, यामुळेही लक्ष विचलित होऊन अपघात होण्याचे प्रमाण सर्वाधिक आहे. त्यामुळे हेडफोन हा पर्यायही चुकीचाच आहे. नियमानुसार हेडफोनवर बोलणेही दंडास पात्र आहे.कारवाई कोणत्या कलमानुसार?
– वाहन चालविताना मोबाइलवर बोलल्यास महाराष्ट्र मोटार वाहन कायदा १९८९ च्या १८४, १९० (२), २५० (अ) आदी कलमांनुसार कारवाई केली जाते.
– वाहन चालविताना मोबाइलचा वापर केल्यास चालकाला दंडही आकारला जातो
– वायरलेस हेडफोनवरूनही बोलणे दंडास पात्र आहे.
मोबाइलवर बोलत वाहन चालविणे धोक्याचे असून, अनेक वाहनचालक इतरांचे जीव धोक्यात घालत आहेत. अशा वाहनचालकांचा परवानाच रद्द करायला हवा.- अतुल पवार, मटा वाचक
वाहन चालविताना मोबाइलचा वापर करणे लोकांसाठी आणि सार्वजनिक संपत्तीसाठी धोक्याचे आहे. हे रोखण्यासाठी कडक कारवाईची गरज आहे.- संतोष जाधव, मटा वाचक
Users Today : 44