अंकिता -विकीचा गेम ओव्हर! सलमाननं केला खळबळजनक आरोप, त्या चुकीमुळं दोघंही होणार बेघर?

मुंबई: बिग बॉसच्या १७ व्या पर्वाची सध्या जोरदार चर्चा सुरू आहे. या ना त्या कारणामुळं हा शो चर्चेत असतो.अभिनेत्री अंकिता लोखंडे आणि तिचा पती विकी जैन यांनी बिग बॉसच्या घरात स्पर्धक म्हणून एन्ट्री केली आहे. पहिल्या दिवसापासूनच यांची चर्चा सुरू होती. आता या दोघांच्या अडचणी वाढणार असल्याचं म्हटलं जात आहे. त्यांची एक चूक दोघांनाही महागात पडू शकते. इतकंच नाही तर त्यांना या शोमधून बाहेर काढण्यातही येऊ शकतं..अशा चर्चा सुरू आहेत.प्रत्येक सीझनमध्ये अंकिताच्या नावाची चर्चा व्हायची. पण यंदा तिनं या शोसाठी हो म्हटलं. तिनं एकटीनं न येता पती विकी जैनसोबत या शोमध्ये यायचा निर्णय घेतला.. विकी आणि अंकिता यांना बिग बॉसमध्ये पाहण्यासाठी प्रेक्षक उत्सुक होते. दोघांची रोमॅन्टिक केमस्ट्री इथंही पाहायला मिळेल असं वाटत होतं. पण याच्या उलट घडताना दिसत आहे. मात्र तसं काहीच होताना दिसत नाहीये. दोघांच्या भांडणांचे व्हिडिओ व्हायरल होताना दिसत आहेत. विकी अनेकदा अंकितावर ओरडताना दिसतोय, तर ती सतत रडत असल्याचं पाहायला मिळालं आहे. असं सगळं सुरू असताना आता बिग बॉसच्या एका प्रोमोनं खळबळ उडाली आहे.बिग बॉसच्या घरात येण्याआधी अंकिता आणि विकी यांनी वाहिनी सोबत एक कॉन्ट्रॅक्ट साइन केलं होतं. यात बऱ्याच अटी आणि नियम होते. यांचं उल्लंघन केल्यास कारवाई करण्याचा वाहिनीला अधिकार असेल असंही त्यात नमूद करण्यात आलं होतं. तर बिग बॉसच्या घरात येण्याचं नक्की झाल्यानंतर त्या स्पर्धकानं ही गोष्ट कुणालाही सांगायची नसते. कुणालाही बिग बॉसच्या एन्ट्रीबद्दल सांगणं म्हणजे नियम मोडल्यात जमा असतं. तसंच बिग बॉसच्या घरात येण्यापूर्वी कोणत्याही दुसऱ्या स्पर्धकासोबत संपर्कात राहणं, याबद्दल बोलणं हे नियमांचं उल्लंघन आहे. असं असताना विकीनं नील भट्ट याला संपर्क केला होता. दोघांचं बोलणंही झालं होतं.वीकेंड का वार चा एक प्रोमो सध्या व्हायरल होत आहे. यात सलमान विकी जैनला नील भट्टला केलेल्या सीक्रेट फोन कॉलबद्दल विचारलं. तुम्ही जे कॉन्ट्रॅक्ट साइन केलं होत्या, त्यात सर्व नियम आणि अटी लिहिल्या होत्या. किती जणांनी या कॉन्ट्रॅक्टचा सन्मान करत या नियम अटी पाळल्या आहेत? घरात येण्यापूर्वी कोणा-कोणाचं एकमेकांसोबत बोलणं झालं होतं? यावर विकी म्हणाला की, बिग बॉसच्या घरात येण्यापूर्वी दोन दिवस आधी मी नीलशी बोललो होतो.

यानंतर सलमान अंकितला विचारतो की, हे तुला माहिती होतं का?यावर अंकिता म्हणाली की, हो मला नंतर समजलं होतं. अंकिताचं बोलणं झाल्यानंतर सलमाननं सनाला विचारलं की, याचा अर्थ तुला माहित्येय का? यावर ती म्हणते की, वायकॉमकडं यांना शोमधून बाहेर काढण्याचे सगळे अधिकार आहेत.त्यामळं विकी आणि अंकिताबद्दल आता बिग बॉसचे निर्माते आणि वाहिनीकडून काय निर्णय घेण्यात येतो, हे पाहावं लागणार आहे.