नंदुरबार स्थानिक गुन्हे शाखा पोलिसांची मोठी कारवाई ; तब्बल ‘ 02 क्विंटल ‘ 53 किलो गांजा केला जप्त,

नंदुरबार –.
 –: जिल्हा पोलीस दलाने अंमली पदार्थ मुक्त जिल्हा या संकल्पनेची सुरूवात करुन वर्षभरापासून नंदुरबार जिल्ह्यात अंमली पदार्थ विरोधी कारवाया सुरु आहेत.

   अंमली पदार्थ मुक्त झालेला नंदुरबार हा राज्यातील पहिला जिल्हा आहे.

   नंदुरबार जिल्हा भविष्यातही अंमली पदार्थ मुक्त राहिल यासाठी काटेकोरपणे लक्ष ठेवले जाईल. तसेच अंमली पदार्थांची लागवड,नं शेती, वाहतूक इत्यादींवर प्रभावी कारवाई करण्यासाठी ड्रोन व इतर तंत्रज्ञानाचा वापर देखील केला जाईल.

    अंमली पदार्थ विरोधी कारवायांमध्ये अजून वाढ करुन जिल्ह्यात कुठल्याही प्रकारच्या अंमली पदार्थांना थारा असणार नाही.

तसेच नंदुरबार जिल्ह्यातील नवापूर, अक्कलकुवा, तळोदा, विसरवाडी, उपनगर या पोलीस ठाणे हद्दीला गुजरात राज्याची व शहादा, म्हसावद, धडगांव पोलीस ठाणे हद्दीला मध्यप्रदेश राज्याची सीमा लागून आहेत. आगामी काळात मध्यप्रदेश, राजस्थान, तेलंगणा आणि छत्तीसगड या राज्यांमध्ये विधानसभेची निवडणूक असल्याने अवैध दारुची वाहतूक, साठा, अवैध अग्निशस्त्र, NDPS कारवाई इत्यादींवर जास्तीत जास्त कारवाई करण्याच्या कडक सूचना न पोलीस अधीक्षक यांनी सर्व पोलीस ठाणे प्रभारी अधिकारी यांना दिल्या होत्या. तसेच पोलीस ठाणे व जिल्हा स्तरावर विविध पथकांची निर्मिती करण्यात आली असून सदरची पथके अंमली पदार्थांवर कारवाई करणे साठी सतत विविध भागात फिरत असतात.

   त्याच प्रमाणे अंमली पदार्थाची चोरटी वाहतूक थांबविण्यासाठी व जंगल परिसरात लपवून अंमली पदार्थांचा साठा शोधून काढण्यासाठी नंदुरबार जिल्हा पोलीस अधीक्षक पी. आर. पाटील यांनी अशा ठिकाणांचा शोध घेण्यासाठी ड्रोन कॅमेऱ्यांची मदत घेणे बाबत दिलेल्या सूचनांनुसार ड्रोनचा वापरही केला जात आहे.

दिनांक 02 नोव्हेंबर 2023 रोजी नंदुरबार जिल्हा पोलीस अधीक्षक  पी.आर.पाटील यांना माहिती मिळाली की, शहादा पोलीस ठाणे हद्दीतील नवानगर गावातील एका इसमाने त्याचे केळी पिकाचे शेतात स्वत:च्या आर्थिक फायदयासाठी बेकायदेशीररित्या मानवी मेंदुवर विपरीत परीणाम करणाऱ्या गुंगीकारक ओल्या गांजाची बेकायदेशीररीत्या लागवड करुन त्याची जो पासना करीत आहे.

 पोलीस अधीक्षक  पी.आर.पाटील यांनी स्थानिक गुन्हे पोलीस निरीक्षक  किरणकुमार खेडकर व त्यांचे एक पथक तयार करुन तात्काळ कारवाई करण्याचे आदेश दिले.  पोलीस निरीक्षक  किरणकुमार खेडकर व त्यांचे पथक हे मिळालेल्या गोपनीय बातमी प्रमाणे शहादा पोलीस ठाणे हद्दीतील नवानगर शिवारातील वडगांव ते नवानगर रस्त्यावर एका केळीच्या शेता जवळ आले.

   त्याठिकाणी केळीचे पीक असलेल्या शेताच्या बांधावर एक इसम हालचाली करत असल्याचे दिसुन आले. पोलीस त्याच्या दिशेने येत असल्याचे लक्षात येताच शेताच्या बांधावर उभ्या असलेल्या इसमाने तेथून पळ काढला, परंतु स्थानिक गुन्हे शाखेच्या पथका ने पळून जाणाऱ्या इसमाचा पाठलाग करुन त्यास ताब्यात घेतले.

    ताब्यात घेण्यात आलेला इसम  सुनिल मेरसिंग चव्हाण,(47 ) रा. नवानगर, ता.शहादा, जि.नंदुरबार असे असल्याचे सांगितले.

स्थानिक गुन्हे शाखेच्या पथकाने केळीच्या पीक असलेल्या शेताची पाहणी केली असता आतील बाजुस हिरवट रंगाचे गांजा सदृश्य झाडांची लागवड केलेली व ठिकठिकाणी काही झाडे खोडा पासून कापलेले एका ठिकाणी जमा करुन ठेवल्याचे दिसुन आले, म्हणून स्थानिक गुन्हे शाखेच्या पथकाने संपुर्ण केळीचे शेत पिंजुन काढले असता तेथे संपूर्ण शेतातून 2 क्विंटल 53 किलो 584 ग्रॅम वजनाचे 17 लाख 74 हजार 626 रुपये किंमतीची गांजाची झाडे मिळुन आले.

   गांजाची झाडे गुन्ह्याच्या पुढील तपासकामी योग्य ती सर्व कायदेशीर प्रक्रिया करुन ताब्यात घेतली.

  तसेच आरोपी सुनिल मेरसिंग चव्हाण, (47)  रा. नवानगर, ता.शहादा, जि.नंदुरबार याचेविरुध्द् शहादा पोलीस ठाणे येथे गु.र.नं. 650/2023 गुंगीकारक औषधी द्रव्य व मनोव्यापारावर परिणाम करणारे पदार्थ अधिनियम-1985 चे कलम 8(क),20(ब),ii(ब) प्रमाणे गुन्हा दाखल करण्यात आलेला आहे.

   ही कारवाई नंदुरबार जिल्हा पोलीस अधीक्षक  पी.आर.पाटील, अपर पोलीस अधीक्षक  निलेश तांबे, शहादा उप विभागीय पोलीस अधिकारी दत्ता पवार यांचे मार्गदर्शनाखाली स्थानिक गुन्हे पोलीस निरीक्षक  किरणकुमार खेडकर, सहा. पोलीस निरीक्षक  दिनेश भदाणे, पोलीस हवालदार संदीप गोसावी, पोलीस नाईक सुनिल पाडवी, मोहन ढमढेरे, विशाल नागरे, बापू बागूल, पुरुषोत्तम सोनार, विकास कापुरे, अविनाश चव्हाण,पोलीस अंमलदार विजय ढिवरे, शोएब शेख, दिपक न्हावी, यशोदिप ओगले, हेमंत बारी, हेमंत सैंदाणे, उदेसिंग तडवी यांचे पथकाने केली.

     पोलीस अधीक्षक  पी.आर.पाटील यांनी कारवाई करणाऱ्या पथकाचे अभिनंदन केले आहे.