पाण्यावर तरंगणाऱ्या बाबाचा पर्दाफाश, अंनिस कार्यकर्ते पोहोचले अन् थेट ‘तो’ डेमो दाखवला

विहिरीमध्ये महाराजांप्रमाणेच अंधश्रद्धा निर्मूलन समितीचे पदाधिकारी देखील पाण्यावर तरंगत असल्याचे स्पष्ट झाले. मात्र नेहमीचा सराव नसल्याने या बाबासारखे जास्त वेळ ते पाण्यावर तरंगू शकले नाही. यानंतर पाण्यावर तरंगणाऱ्या या बाबाने सिद्धी प्राप्त झाल्याच्या दाव्यावरून घुमजाव केले, पोलीस अधिकाऱ्यांनी देखील हा चमत्कार नसून सराव केल्याने कुणालाही पाण्यांवर तरंगता येणं शक्य आहे, असं सांगितलं. त्यामुळे या बाबाच्या अफवांवर विश्वास ठेवू नये, असे आवाहन पोलीस अधिकारी व अंधश्रद्धा निर्मूलन समितीच्या कार्यकर्त्यांनी केले आहे.अंधश्रद्धा निर्मूलन समितीचे पदाधिकारी व पाण्यावर तरंगणारे बाबा या दोघांनीही आवाहन स्वीकारले. घटनास्थळावर बाबाचा चमत्कार बघण्यासाठी आलेले नागरिक काही वेळ गोंधळून गेले होते, की नेमका हा प्रकार काय घडतो आहे. बाबाने केलेल्या सर्व प्रकाराबद्दल पोलीस प्रशासन व अंनिसच्या पदाधिकाऱ्यांनी त्यांना समजूत घातली. हा कुठलाही चमत्कार नसून अफवांना बळी पडू नये असे आवाहन पोलिसांनी केले आहे.