नंदुरबार : जिल्ह्यातील नवापूर शहरातील प्रभाकर कॉलनीत राहणाऱ्या १७ वर्षीय युवकाचा पाण्यात बुडून मृत्यू झाल्याची घटना बुधवारी दुपारी ३ वाजेच्या सुमारास घडली आहे. सदर घटनेनंतर प्रभाकर कॉलनीसह शहरातील रहिवाशांनी नवापूर उपजिल्हा रुग्णालयात मोठी गर्दी केली. युवकाचा पाण्यात बुडून मृत्यू झाल्याने आई-वडिलांनी प्रचंड आक्रोश केला.याप्रकरणी मिळालेल्या माहितीनुसार, सदर युवक सार्वजनिक गुजराती हायस्कूलमध्ये वाणिज्य शाखेत इयत्ता ११ वीमध्ये शिकत होता. सकाळच्या सत्रात तो वर्गात बसला. मात्र दुपारी दीडच्या सुट्टीत महाविद्यालयात न जात घरी जेवण करून बाहेर जाण्याचे त्याने नियोजन केले. मयत निखील राजपूत याने घरी जेवण केल्यानंतर इन्सुलिनचे इंजेक्शन घेतलं त्यानंतर आणि नवापूर तालुक्यातील भवरे धरणावर चार वर्गमित्रांसोबत फिरण्यासाठी गेला.
दरम्यान, मुलाच्या मृत्यूची बातमी मिळतात आईबाबांनी प्रचंड आक्रोश केला. पोटचा गोळ्यावर काळाने घाला घातल्याने आईची तब्येत बिघडली. त्यांच्यावर देखील नवापूर उपजिल्हा रुग्णालयात उपचार सुरू आहे. पुढील तपास नवापूर पोलीस करीत आहेत.
Users Today : 132