व्यसनी मुलाची आई-वडिलांना मारहाण, पैशांसाठी तगादा, कंटाळून पित्याचा धक्कादायक निर्णय, काय घडलं?

श्रीनिवास यासम याला दारूचे व्यसन होते. दारूच्या व्यसनामुळे अख्ख कुटुंब वैतागून गेले होते.आरोपी मलय्या आगय्या यासम हे पत्नी, दोन मुले, सुना, नातवंडांसह जुना विडी घरकुल येथे राहत होता. श्रीनिवासचे वडील उदरनिर्वाहसाठी ते घरगुती टेलरिंग काम करतात. श्रीनिवास हा अनेक वर्षांपासून दारू पीत होता. त्याचे लग्न झाले असून, त्याला लहान बाळ आहे, परंतु गेल्या अनेक वर्षापासून श्रीनिवास हा दारूच्या व्यसनामुळे घरात नेहमी आई-वडिल व बायकोला मारहाण करत असे. तसेच वडीलांकडे वारंवार दारूसाठी पैसे मागून भांडण काढत असे.घटनेच्या दिवशी रविवारी सायंकाळी सहा वाजण्याच्या सुमारास नेहमीप्रमाणे श्रीनिवास यांनी वडील मल्लय्या यांच्याकडे दारू पिण्यासाठी पैसे मागू लागला. यावेळी वडिलांनी विरोध केला असता श्रीनिवास हा ऐकण्याच्या मनस्थितीत नव्हता. त्यामुळे चिडून जाऊन वडिलांनी किचनमधून चाकू आणला आणि मुलगा श्रीनिवास यांच्या गळ्यावर, डाव्या डोळ्याच्या खाली, उजव्या हाताच्या दंडावर व मानेवरील मागील बाजूस चाकूने सपासप वार केले. श्रीनिवास हा गंभीर जखमी होऊन बेशुद्ध पडलाबेशुद्ध अवस्थेत भाऊ विनायक यांनी त्यास उपचाराकरिता शासकीय रुग्णालयात दाखल केले. परंतु गळ्यावर मोठी गंभीर जखम झाल्याने उपचारादरम्यान तो मयत झाला. या घटनेची नोंद व्हील पोलीस चौकीत झाली आहे. एमआयडीसी पोलिसांनी या गुन्ह्याची नोंद घेतली असून भा.द.वि 302 प्रमाणे मल्लय्या यासम(वय 70 वर्ष) यास अटक केली आहे. आरोपीला दोन दिवस पोलीस कोठडी मिळाली आहे. याबाबत अधिकृत माहिती पोलीस निरीक्षक अश्विनी भोसले यांनी दिली.