अर्धवट शरीर असलेल्या नऊ महिन्यांच्या बाळाचा मृतदेह आढळला; परिसरात घटनेनं खळबळ

जळगाव: यावल तालुक्यातील सातोद गाव शिवारात प्राण्यांनी खाल्लेले नऊ महिन्यांच्या बाळाचा मृतदेह आढळला आहे. यामुळे जळगाव जिल्ह्यात परिसरात एकच खळबळ उडाली आहे. यावल पोलिसांनी तात्काळ गावात जाऊन त्या बाळाचे अर्धवट अवस्थेतील मृतदेह ताब्यात घेतला आहे.मिळालेल्या माहितीनुसार, यावल तालुक्यातील सातोद येथील इंदिरानगर परिसरात मंगळवारी सकाळच्या सुमारास ग्रामपंचायतचे सफाई कर्मचारी यांना नऊ महिन्याच्या बाळाचा मृतदेह आढळला. अर्ध शरीर असल्याने इतर शरीराचा मृतदेह प्राण्यांनी खाल्लेले असल्याचे ही समोर आले. या घटनेमुळे परिसरात एकच खळबळ उडाली आहे. घटनेची माहिती मिळाल्यानंतर पोलिसांनी घटनास्थळी धाव घेऊन बाळाचा मृतदेह ताब्यात घेत यावलच्या ग्रामीण रुग्णालयात आणला आहे.