धाराशिव: मक्याच्या पिकात भलतचं पिकं दिसताच पोलीसही काळ चक्रावले होते. आज पैशासाठी कोण कुठली शक्कल लढवेल याचा नेम नाही. झटपट श्रीमंत होण्यासाठी माणूस कोणत्या स्तराला जाऊन मोठी जोखीम घेतो याचं ज्वलंत उदाहरण म्हणजे कळंब पोलीसांनी केलेली कारवाई. ४ नोव्हेंबर रोजी कळंब पोलीस स्टेशनचे प्रभारी पोलीस निरीक्षक सुरेश साबळे यांना गोपनीय माहिती मिळाली की, कळंब तालुक्यातील इटकुर येथे एका इसमाने त्याच्या अडीच एकर शेतातील ४ गुंठे शेतात स्वतःच्या अर्थिक फायद्यासाठी विना परवाना बेकायदेशीरपणे गांजांच्या झाडांची लागवड केली आहे. तसेच त्याची संवर्धन आणि जोपासना करत आहे. अशी खात्रीलायक माहिती मिळाली.
याबाबत पोलीस अधीक्षक अतुल कुलकर्णी, अपर पोलीस अधीक्षक नवनीत कॉवत, उप विभागीय पोलीस अधिकारी एम रमेश उप विभाग कळंब यांना छाप्याबाबत माहिती दिली. त्यांच्या मार्गदर्शनाखाली कारवाई कळंब तहसील कार्यालयाचे सक्षम अधिकारी, कृषी विभागाचे अधिकारी यांना माहिती देत सोबत घेऊन शासकीय पंचासह माहितीच्या ठिकाणी छापा मारला. ईटकर शिवारात शेत गट नं. १२०१ मध्ये शेतकरी दशरथ संपती काळे याने मकाच्या शेतात अवैध गांज्यांची झाडे लावली होती. तसेच तो त्याचे संवर्धन करत असताना सापडला आहे. त्याच्या शेतातून एकूण ५०० किलो ५०० गॅम वजनाची ओलसर गांज्याची झाडे एकूण किंमत ६०,०६,००० (साठ लाख, सहा हजार रुपये) रुपयेचा मुद्देमाल जप्त करण्यात आला आहे.शेतकऱ्याविरुद्ध NDPS कायद्याप्रमाणे गुन्हा दाखल करण्यात आला आहे. ही कारवाई पोलीस अधीक्षक अतुल कुलकर्णी, अपर पोलीस अधीक्षक नवनित कावत, उप विभागीय पोलीस अधिकारी एम रमेश यांचे मार्गदर्शनाखाली पोलीस निरीक्षक सुरेश साबळे, सहायक पोलीस निरीक्षक गणेश पाटील, सहायक पोलीस निरीक्षक हानुमंत कांबळे, पोहेकॉ सुनिल कोळेकर, पोहेका बालासाहेब तांबडे, चालक पोहेका पांडुरंग माने, पोना दत्तात्रय शिंदे, पोना अजिज शेख, पोना शिवाजी राऊत, मपोना सविता कांबळे. पोकॉ भरत गायकवाड, पोकों करीम शेख, पोकों वैजिनाथ मोहिते, पोकों फलचंद मुंडे, पोका रंजित लांडगे, मपोकों रोहिनी चव्हाण, चालक पोकों परमेश्वरं मंगनाळे यांनी केली आहे.
Users Today : 74