पुणे-मुंबई द्रुतगती महामार्गालगत नवी स्मार्ट सिटी होणार? ‘स्मार्ट सिटी’चे नियोजन का

पुणे-मुंबई द्रुतगती महामार्ग, जुना पुणे-मुंबई राष्ट्रीय महामार्ग; तसेच द्रुतगती महामार्गाच्या दक्षिण-पश्चिमेकडील दोन किलोमीटर अधिसूचित क्षेत्राकरिता राज्य रस्ते विकास महामंडळाची विशेष नियोजन प्राधिकरण म्हणून नियुक्ती केली आहे. त्याचा आदेश सरकारने यापूर्वीच काढला आहे. त्यानुसार, खालापूर आणि पनवेल तालुक्यातील ७१ गावांतील १८४ चौरस किलोमीटर क्षेत्रासाठी ‘विशेष नियोजन अधिकारी’ (स्पेशल प्लनिंग अथॉरिटी) म्हणून रस्ते विकास महामंडळाची नियुक्तीही करण्यात आली आहे. याच अधिसूचित क्षेत्रातून सुमारे ३० किलोमीटर लांबीचा द्रुतगती महामार्ग जात असून, समृद्धी महामार्गाच्या धर्तीवर ‘स्मार्ट सिटी’ उभारण्याचे प्रयत्न महामंडळाने सुरू केले आहेत. त्याच धर्तीवर आता पुणे-मुंबई द्रुतगती महामार्गालगतच्या या भागात ‘स्मार्ट सिटी’ उभारता येईल का, याची चाचपणी करण्यास सुरुवात केली आहे.