हिंगोलीः या जगात वडिलांची जागा कोणीच घेऊ शकत नाही असं नेहमी म्हटलं जातं आणि हे तितकंच सत्य सुद्धा आहे. परंतु हिंगोलीतील एका नराधम बापाने नात्याला काळीमा फासला आहे. या घटनेमुळे हिंगोली जिल्हा हादरून गेला आहे. या नराधम पित्याविरुद्ध सध्या सेनगाव पोलिसात गुन्हा दाखल झाला असून न्यायालयाने पोलीस कोठडी सुनावली आहे.याबाबत सविस्तर माहिती अशी की, सेनगाव येथे दहावीच्या परीक्षेनंतर घरी राहण्यासाठी आलेल्या मुलीवर ५५ वर्षीय नराधम पित्यानेच अत्याचार केल्याची घटना घडली.या प्रकरणी सेनगाव पोलीस ठाण्यात शनिवारी २९ एप्रिल रोजी गुन्हा दाखल झाला आहे. तसेच घटनेचे गांभीर्य लक्षात घेता पोलिसांनी या नराधम पित्याला तात्काळ अटक सुद्धा केली आहे.
Cपोलिसांनी दिलेल्या माहितीनुसार सेनगाव येथील एका ५५ वर्षीय इसमाची पंधरा वर्षांपूर्वीच पत्नी सोबत फारकत झाली होती. त्यामुळे त्याची एका वर्षाची मुलगी तिच्या मामाकडे शिक्षणासाठी राहते. मागील काही वर्षापासून त्या मुलीच्या पित्याने तिच्यासोबत संपर्क ठेवला होता. त्यानंतर तिची इयत्ता दहावीची परीक्षा झाल्यामुळे तिला घरी राहण्यासाठी पाठविण्याची विनंती त्याने मुलीच्या मामाकडे केली होती. त्यानंतर पंधरा वर्षांनंतर मुलगी तिच्या वडिलांकडे राहण्यासाठी आली.दरम्यान १८ एप्रिल रोजी त्याने मुलीसाठी गुलाब जामुन, भेळ व कलाकंद खाण्यासाठी आणले. हे सर्व पदार्थ खाल्ल्यानंतर मुलीस झोप आली. याचा गैरफायदा घेत तिच्या पित्याने तिच्यावर अत्याचार केला. सलग तीन दिवस पित्यानेच अत्याचार केला पण जीवे मारण्याची धमकी दिल्यामुळे मुलगी घाबरून गेली. त्यानंतर त्याने पुन्हा २२ एप्रिल रोजी अत्याचार केल्यानंतर मुलगी आणखीनच घाबरली. तिने सदर प्रकरण तिच्या मामाला सांगितलं. यावरून तिच्या मामाने तिला घेऊन सेनगाव पोलीस स्टेशन गाठले व या प्रकरणी त्या मुलीच्या तक्रारीवरून नराधम पित्याविरुद्ध अत्याचार प्रकरणी गुन्हा दाखल झाला.या प्रकरणाचे गांभीर्य लक्षात घेऊन पोलीस अधीक्षक जी श्रीधर यांच्या मार्गदर्शनाखाली पोलीस निरीक्षक रणजीत भोईटे, उपनिरीक्षक अच्युत मुपडे, यांच्या पथकाने तातडीने पित्याचा शोध घेऊन त्याला अटक केली.
Users Today : 25