पॅरोल सुटकेनंतर पलायन; संसार थाटला, १७ वर्ष पोलीस मागावर, अखेर आता ‘असं’ घेतलं ताब्यात

सोलापूर: खुनाच्या गुन्ह्यात शिक्षा भोगत असलेला आरोपी तब्बल १७ वर्षानंतर पोलिसांच्या हाती लागला आहे. सतरा वर्षांत त्याने लग्न करून संसार थाटला होता. सोलापूर,धाराशिव (उस्मानाबाद) या जिल्ह्यात खोट्या नावाने राहत होता. सोलापूर गुन्हे शाखेच्या पोलिसांनी कारागृहातून पेरोलवर सुटलेला आरोपीस अटक करून कारागृहात रवाना केले आहे.सोलापूर: खुनाच्या गुन्ह्यात शिक्षा भोगत असलेला आरोपी तब्बल १७ वर्षानंतर पोलिसांच्या हाती लागला आहे. सतरा वर्षांत त्याने लग्न करून संसार थाटला होता. सोलापूर,धाराशिव (उस्मानाबाद) या जिल्ह्यात खोट्या नावाने राहत होता. सोलापूर गुन्हे शाखेच्या पोलिसांनी कारागृहातून पेरोलवर सुटलेला आरोपीस अटक करून कारागृहात रवाना केले आहे.मिळालेल्या माहितीनुसार, विकास हरी जाधव (रा,लमान तांडा,केगाव,सोलापूर) असे अटक केलेल्या सतरा वर्षांपासून फरार असलेल्या आरोपीचे नाव आहे. मोहोळ पोलीस ठाण्यात २००२ साली त्याविरोधात खुनाचा गुन्हा दाखल झाला होता. या आरोपात त्याला जन्मठेपेची शिक्षा झाली होती. ४ एप्रिल २००६ ते २५ मे २००६ या दरम्यान तो कोल्हापूर कारागृहातून पेरोलवर बाहेर आला होता. रजेनंतर त्याला कारागृहात हजर होणे आवश्यक असताना २००६ पासून विकास जाधव फरार झाला होता. सोलापूर शहर गुन्हे शाखेच्या पोलिसांनी मंगळवारी रात्री त्याला विजापूर नाका पोलीस ठाण्याच्या हद्दीत ताब्यात घेतले आहे.

विकास जाधव हा पेरोलवर २००६ साली कारागृहातून बाहेर आला होता. एक महिन्यानंतर त्यात कारागृहात करत जायचे होते. तसे न करता तो फरार झाला होता. कारागृह प्रशासनाने सोलापूर पोलिसांना याबाबत अधिकृतरित्या पत्र पाठवून विकास जाधव यास अटक करण्याच्या सूचना दिल्या होत्या. जन्मठेपेची शिक्षा भोगत असलेला विकास जाधव फरार झाल्याने पोलिसांनी राहत्या घरी जाऊन शोधाशोध घेतली. याबाबत फौजदार चावडी पोलीस ठाण्यात गुन्हा देखील दाखल झाला होता. जन्मठेपेची शिक्षा भोगत असलेला विकास जाधव फरार असल्याने सोलापूर पोलीस, धाराशिव पोलीस शोध घेत होती. अखेर सतरा वर्षानंतर सोलापूर गुन्हे शाखेने आरटीओ ऑफिसजवळ ताब्यात घेतले.