हात-पाय बांधले, तोंडाला चिकटपट्टी, पावणे २ कोटींचा ऐवज चोरला, आंध्रातून फरार चोरटे सांगलीत सापडले

याबाबत टुनुक पोलिस ठाण्यात गुन्हा दाखल होताच संशयित सांगली जिल्ह्यात आल्याची तांत्रिक माहिती आंध्र पोलीसांना मिळाली. पोलिस अधिक्षक बसवराज तेली यांच्या आदेशानुसार स्थानिक गुन्हे अन्वेषण विभागाचे निरीक्षक सतीश शिंदे व उप निरीक्षक कुमार पाटील आणि सहकारी व आंध्रचे उप अधिक्षक सी. सरथ राजकुमार, निरीक्षक सी. एच. अंजनवेलु आदींच्या नेतृत्वाखाली संयुक्त पथक संशयितांच्या मागावर होते.या पथकाला बुधगाव येथे एका ढाब्यावर तिघे संशयितांना आढळले. त्यांना पलायनाची संधी न देता पकडण्यात आले. त्यांची झडती घेतली असता दरोड्यात लुटलेले सोने पिशवीत आढळले. या प्रकरणी सूरज कुंभार (वय ३३, कुर्ली ता. खानापूर), कैलास शेळके (वय ३० रा. बामणी, ता. खानापूर) आणि सादीक शेख (वय ३५ रा. इचलकरंजी) या तिघांना अटक करण्यात आली असून पुढील तपासासाठी आंध्र प्रदेश पोलीसांच्या ताब्यात देण्यात आले.