सुख जळे दुष्काळे
काहीन उरलं घरांत
कशीबशी भरून ये
जखम ती अंतरात
कशी करू थाटमाट
भाऊबीजेचे सणात
रक्ताळला सातबारा
बुडाले पार ऋणात
संसाराची करीते मी
अ पासूनि सुरवात
तेल तूप न निरांजन
डोळ्यांची फुलवात
गोड धोड नाही केले
गोडवा फक्त मुखात
ईश्वरा मागणे मागते
रहावा भाऊ सुखात
आमची झाली तशी
न हो कुठे वाताहात
ठेवते डोईवर तुझ्या
फक्त आशीष हात
परिस्थिती येते जाते
भरडे जरी जात्यात
भरभरुन प्रेम वर्षाव
भिजा चिंब नात्यात
लढायचा मंत्र कसा
सांगते तुझ्याकानात
भौक्तीत सुखे नश्वर
दिवाळी हवी मनात
— हेमंत मुसरीफ पुणे
९७३०३०६९९६
Users Today : 14